Sujiwo Tejo

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Sujiwo Tejo
Sujiwo Tejo.jpg
Biodata
Lair (1962-08-31) Agustus 31, 1962 (umur 57)
AsalIndonésia Jember, Indonésia
PakaryanPenyanyi, Aktor, Penulis, Pemusik, Dalang, Sutradara
Situswebhttp://sujiwotejo.com/

Agus Hadi Sudjiwo utawi langkung misuwur kanthi asma Sujiwo Tejo (miyos ing Jember, Jawa Wétan, 31 Agustus 1962 inggih punika salah satunggalipun aktivis lan budayawan saking Indonésia. Panjenenganipun ugi dados penyanyi.[1] Tejo punika namanipun ingkang rama, inggih punika dhalang Soetedjo.[2] Sujiwo Tejo punika lulusan saking Institut Teknologi Bandung (ITB).[1] Tejo naté dados wartawan Kompas sadangunipun wolung taun.[1] Panjenenganipun banting setir dados pelukis, panulis, pemusik, lan dhalang wayang.[1] Sasanèsipun punika Tejo naté dados sutradara lan bintang filem kados filem Janji Joni, Kafir, lan Detik Terakhir.[1] Tejo ugi ndhérék péntas drama teatrikal KabaretJo ingkang tegesipun Ketawa Bareng Tejo.[1]

Manawi ndhalang, Tejo remen nerak paugeran utawi pakem pawayangan, tuladhanipun Rahwana dipunparagaken dados paraga ingkang gadhah watek saé, Pandawa gadhah watek ingkang boten (tansah) leres.[1] Sujiwo Tejo gadhah misi badhé nyurung kabudayan Indonésia supados saged ngrujuk dhateng oyoting kabudayan Indonésia, nanging dipunolah kanthi metabolisme kreatif saéngga boten katingal kina (kuna).[3] Wonten ing metabolisme punika kabudayan saking manca nagari dipunolah (dicerna). Kanthi metodhe punika, Indonésia badhé saged dipuntingali gadhah seni lan budaya ingkang modern.[3]

Buku[besut | besut sumber]

Kajawi dados seniman lan budayawan, Sujiwo Tejo ugi dados penulis. Buku-buku anggitanipun Sujiwo Tejo inggih punika:[2]

  • Dalang Edan
  • Kelakar Madura buat Gus Dur
  • The Sax
  • Ngawur Karena Benar
  • Jiwo J#ncuk
  • Lupa Endonesa (2012)
  • Republik #Jancukers

Cathetan suku[besut | besut sumber]

  1. a b c d e f g Sujiwo Tejo dipunundhuh tanggal 25 Agustus 2011)
  2. a b Tejo, Sujiwo.2012.Lupa Endonesa.Yogyakarta:Bentang (kaca 216)
  3. a b Profil dipunundhuh tanggal 25 Agustus 2011)

Pranala njawi[besut | besut sumber]