Sisifos

Saka Wikipédia Jawa, bauwarna bébas abasa Jawa
Hukuman Sisifos.

Wonten ing mitologi Yunani, Sisifos (Σίσυφος) inggih punika laré saking Aiolos lan Enarete [1]. Sisifos punika garwanipun Merope ugi kalebet pendiri lan raja Efira, Korintus. Miturut sumber sanèsipun, Sisifos punika bapak saking Odisseus saking hubunganipun kalihan Antiklea .

Wonten ing mitologi[besut | besut sumber]

Sisifos punika nglampahi dagang lan pelayaran, ananging piyambakipun punika tiyang ingkang gadhah sipat tamak lan kemaruk. Sisifos asring mateni wisatawan ugi para dhayohipun. Miturut Homeros, Sisifos punika tiyang ingkang licik sanget. Kejawi punika Sisifos sare kalihan purunanipun piyambak, ngrebut tahta sedhèrèkipun, lan mbocoraken wadi (rahasia) Zeus. Awit saking punika, Zeus paring dhawuh dhateng Thanatos (dewa kematian) supados ngurung Sisifos ing Tartaros. Nalika Thanatos badhe ngrante Sisifos, Sisifos nyuwun dhateng Thanatos supados nyobi rumiyin rante kasebut kanggé nedahaken cara kerjanipun. Sasampunipun Thanatos ngranté awakipun piyambak, Sisifos banjur ngunci saéngga Thanatos kajebak ing ranté punika. Awit saking punika damel boten wonten manungsa ingkang tilar donya. Ares ingkang rumaos mangkel amargi boten wonten manungsa ingkang mati ing peperangan banjur mbebeasaken Thanatos lajeng damel Sisifos tilar donya.

Sadèrèngipun Sisifos tilar donya, piyambakipun nyuwun garwanipun supados boten dipunkubur lan kauncalaken mayatipun ing tengahing rerameann. Garwanipun nyaguhi menapa ingkang dados panyuwunipun Sisifos. Sasampunipun mati lan dugi ing dunia bawah, Sisifos mbujuk Persefone, ratu dunia bawah, supados paring ijin kangge medal sekedhap dhateng alam manungsa lan dukha marang garwanipun amargi boten paring panguburan ingkang saé. Persefone paring ijin lajeng Sisifos kondur marang Korinth. Ananging Sisifos boten purun kondur malih ing dunia bawah lan tetep pengin wonten ing alamipun manungsa. Pungkasan Sisifos dipunbeta kanthi peksa déning Hermes. Wonten ing versi sanesipun, Sisifos matur dhateng Persefone bilih Sisifos dipunbeta ing Tartatos amargi wonten klèntu lan nyuwun piyambakipun dipundamel bebas.[2]

Hukuman Sisifos[besut | besut sumber]

Ing Tartaross, Sisifos dipunhukum supados ngangkat watu ingkang ageng dhateng nginggiling bukit. Sasampunipun dugi wonten nginggil, watu kasebut ngglundhung mangandhap saéngga Sisifos kedah ngangkat malih mekaten seterusipun.

Referensi[besut | besut sumber]

  1. ^ (id) http://humaniora.kompasiana.com/edukasi/2010/10/25/1/301374/bagai-menanggung-hukuman-sisifus.html , Sisifos (dipunakses tanggal 1 Februari 2013)
  2. ^ Bernard Evslin's Gods, Demigods & Demons, hal 209-210

Pranala njawi[besut | besut sumber]

Wikibooks
Wikibooks Mitologi Yunani gadhah kaca kanthi sesirah
Sumber artikel punika saking kaca situs web: "https://jv.wikipedia.org/w/index.php?title=Sisifos&oldid=999805"