Seoul Munmyo

Saka Wikipédia Jawa, bauwarna bébas abasa Jawa
Seoul Munmyo
Hangul 서울 문묘
Hanja 서울 文廟
Alihaksara sing Disampurnakaké Seoul Munmyo
McCune–Reischauer Sŏul Munmyo

Seoul Munmyo punika satunggaling kuil ingkang mapan wonten ing Seoul, Koréa Kidul [1]. Seoul Munmyo punika jumeneng nalika jaman Dinasti Joseon ing taun 1398 lan kalebet kuil Konfusius tuwa dhéwé ing Koréa. Kuil ingkang mapan wonten ing kompleks Universitas Sungkyunkwan ugi kalebet akademi Konfusius tuwa dhéwé ing Koréa punika dipunlestantunaken déning Pamaréntah Koréa Kidul minangka Situs Bersejarah nomer 143 [2][3].

Sajarah[besut | besut sumber]

Universitas Sungkyunkwan minangka kompleks Seoul Munmyo

Seoul Munmyo punika Munmyo kapisan ingkang jumeneng nalika masa Dinasti Joseon. Munmyo utawi Kongmyo (Hanzi:文廟/孔廟 Wen Miao utawi Kong Miao ing Basa Cina) kalebet kuil ingkang dipunyasa déning para penganut Konfusianisme minangka pakurmatan dhateng Konfusius lan para pendhèrèkipun.[4]. Sasampunipun madegipun Seoul Munmyo, kathah Munmyo sanèsipun ingkang dipunyasa ing Koréa kanggé miyaraken piwulangan lan pendidikan babagan Konfusianisme.

Pembangunan kuil Seoul Munmyo wiwit dipunrencanakaken nalika taun 1304 awit saking prakarsanipun ilmuwan An Hyang (1243-1306) lan kapungkasan ing taun 1398 ing taun kaping 7 masa pamaréntahan Raja Taejo. Sasampunipun perangan yasan utama sanèsipun kapungkasan anggènipun damel konstruksi kados Astana Gyeongbok, Kuil Jongmyo, lan Altar Sajik.

Kuil Seoul Munmyo naté kobongan boten dangu sasampunipun pungkasan anggènipun yasa inggih punika ing taun kaping 2 masa pamaréntahan Raja Jeongjong ing taun 1402. bibar punika dipunyasa malih ing taun 1407, taun kaping 7 Raja Taejong. Nalika masa pamaréntahan Raja Yeonsangun, kuil punika dados kandhang kéwan lan papan hiburan. Ing masa pamaréntahan salajengipun inggih punika Raja Jungjong ngonduraken malih fungsi kuil punika kados purwanipun. Ananging risak malih amargi prastwa Perang Imjin ing taun 1592. Kala punika, boten namung kuil Seoul Munmyo kemawon ingkang risak sanget, ananging kathah yasan utama ing kutha krajankados Astana Gyeongbok lan Kuil Jongmyo. Nembe wonten ing taun 1606, ing taun kaping 39 masa pamaréntahan Raja Seonjo, Munmyo lan yasan utama sanèsipun dipunrestorasi malih. Restorasi ageng dhateng arsitèktur Kuil Seoul Munmyo dipunlajengaken malih ing taun 1869, taun kaping 6 pamaréntahan Raja Gojong.

Cathetan suku[besut | besut sumber]