Rita Effendy

Saka Wikipédia Jawa, bauwarna mardika basa Jawa
Rita Effendy

Rita Effendy duwé jeneng dawa ya iku Rita Kurniawati Effendy (lair ing Bandung, Jawa Kulon, 26 April 1969; umur 54 taun).[1] Rita Effendy ya iku salah sijiné penyanyi pop.[1] Laguné kang paling misuwur ya iku lagu kang judhulé "Januari di Kota Dili".[1]

Babad slira[besut | besut sumber]

Nalika isih sekolah ing SD, Rita effendy tau nggawé album kompilasi bocah kang dinyanyèkaké ya iku lagu kang judhule Gadis Kecil.[1] Lagu iki dadi lagu kang diandhelaké.[1] Nalika iku Rita Effendy suksès nyanyèkaké lagu iki. Rita malah-malah nganti nangis nalika nyanyèkaké lagu iki ing adicara Aneka Ria Safari.[1] Sawisé iku jenengé Rita Effendy banjur ora keprungu manèh.[1] Nalika Rita Effendy wis remaja, Rita ditepungi manèh amarga dhèwèké menangaké fèstival nyanyi.[1] Karir Rita banjur tansaya misuwur nalika dhèwèké dadi vokalis Kahitna nalika lagi diwangun utawa isih formasi awal.[1] Sadurungé nggabung ing Elfa's Singers, Rita kerep nggawé proyèk album kompilasi lan soundtrack filem.[1]

Rita wis ngrilis album kaya ta album kang judhulé Telah Terbiasa (1995), Saling Setia (1996), Maha Melihat Maha Mendengar (1998), Simfoni Negeriku (1998), Salahkan Rembulan (1998), Perempuan (2000), lan Sendiri (2006).[1]

Rita uga nuduhaké kualitas kanthi dadi juwara ing lomba-lomba lan éntuk bebungah.[1] Kaya ta dadi juwara ing Young Star Contest kang manggon ing Taiwan nalika taun (1990), juwara ing Band Explotion Contest kang dianakaké ing Jepang nalika taun (1991), lumebu nominasi penyanyi rekaman paling apik ing laguné kang judhulé "Telah Terbiasa" saka Basf Award (1996), vidéo klip paling apik ya iku lagu "Telah Terbiasa" saka Vidéo Musik Indonésia (1995) lan dadi penyanyi wadon paling apik kategori pop saka Anugerah Musik Indonésia ing taun (1997).[1] Nalika taun 2000, Rita dadi juwara Asian Pop Song Festival 2000 ing Manila. Lumantar lagu "Selamat Jalan Kekasih", gelar Grand Prize Winner bisa diéntukaké Rita Effendy.[1]

Rita palakrama karo Joe Michael nalika tanggal 7 April 1996.[2]

Diskografi[besut | besut sumber]

Lagu kang tau dinyayèkaké Rita Effendy.[1]

Bebungah[besut | besut sumber]

Bebungah kang ditampa Rita Effendy.[1]

  • Juwara I Bintang Radio & TV Tingkat Nasional-1987
  • Juwara Penyanyi Vinolia Tingkat Nasional-1988
  • Juwara LPLR Prambors Tingkat Nasional-1989
  • Juwara ing YOUNG STAR CONTEST ing Taiwan-1990
  • Juwara ing BAND EXPLOTION CONTEST ing Jepang-1991
  • Nominasi penyanyi rekaman paling apik kanggo lagu \"Telah Terbiasa\" saka BASF AWARD-1996
  • Vidéo klip paling apik "Telah Terbiasa" saka Video Musik Indonesia-1995
  • Penyanyi wanita paling apik kategori pop saka Anugerah Musik Indonesia-1997
  • Nominasi Penyanyi wanita kategori pop saka Anugerah Musik Indonesia-1998
  • Grand Prize Winner ing Asian Song Festival 2000 ing Manila bebarengan Dwiki Dharmawan-2000

Cathetan sikil[besut | besut sumber]

  1. a b c d e f g h i j k l m n o p Profil ing KapanLagi.com (diundhuh tanggal 12 Juli 2011)
  2. Rita Effendi, Antara Album dan Obsesi Hamil Archived 2004-09-26 at the Wayback Machine.(diundhuh tanggal 12 Juli 2011)