Ricardo Lagos

Saka Wikipédia, bauwarna bébas basa Jawa
Ricardo Froilán Lagos Escobar
Ricardo Lagos despedida (cropped).jpg
Presiden Chili ke-33
Lungguh
11 Maret 2000 – 11 Maret 2006
Wakil Présidhèn José Miguel Insulza
Francisco Vidal Salinas
Kadhisiki Eduardo Frei Ruiz-Tagle
Kagantèni Michelle Bachelet
Menteri Pendidikan
Lungguh
11 Maret 1990 – 28 September1992
Rerincèn priangga
Lair 2 Maret 1938 (umur 78)
Santiago, Chili
Parté pulitik Sosialis dan Parté untuk Dhémokrasi
Sisihan Luisa Durán de la Fuente
Agama Tidak ada (agnostik)

Ricardo Froilán Lagos Escobar (miyos tanggal 2 Maret 1938) inggih punika satunggaling pengacara, konom, lan politisi Sosialis, ing pundi piyambakipun nate njabat minangka Presiden Chili taun 2000 - 2006. Piyambakipun menangaken Pemilu Presiden Chili 1999-2000 tahap angka kalih (runoff) ingkang kebak gejolak saking kandidat UDI: Independent Democrat Union, Joaquín Lavín. Piyambakipun minangka presiden kaping 3 saking aliran kiwa-tengah Koalisi Parté kangge Dhémokrasi wiwit Chili pikantuk kamardikan taun 1990. Piyambakipun masrahaken jabatan kepresidenannipun tanggal 11 Maret 2006 kanthi pengganti ingkang Sosialis ugi pimpinan Michelle Bachelet, saking sawijining koalisi ingkang sami kaliyan piyambakipun.[1]

Taun – taun Pagesangan[besut | besut sumber]

Lagos miyos wonten ing Santiago, Chili.[2] Lagos minangka putra tunggal saking Froilán Lagos Sepúlveda lan Emma Escobar Morales. Bapakipun ingkang minangka petani tilar donya nalika piyambakipun saweg ngancik umur 8 taun. Den ingkang ibu, seda nalika April 2005 wonten ing yuswa 108 taun. Piyambakipun sinau wonten ing Liceo Manuel de Salas lan Instituto Nacional kangge sekolah tingginipun ingkang prestisius.[3]

Cosas On Line nyebutaken bilih piyambakipun tuwuh ageng ing sadengahing wanodya. Ibunipun minangka tiyang ingkang kagungan pangaruh ingkang ageng wonten ing pagesanganipun, kulawarga ibunipun ingkang maringi pangaruh pulitik ingkang kapisanan. Piyambakipun sinau wonten ing sekolah pamarentah ingkang nama Liceo Manuel de Salas lan Instituto Nacional. Piyambakipun nglampahaken langkah pulitikipun ingkang kapisanan nalika studi wonten ing Fakultas Hukum Universitas Chile taun 1954.[4]

Periode 1954-1959, piyambakipun minangka ketua wonten ing bidang pulitik lan nate maringi pidato ing sangajenging Presiden Guatemala Juan José Arévalo. Sasampuning studi wonten ing Fakultas Hukum Universidad de Chile, Lagos mendhet gelar dhoktor ing bidang ékonomi wonten ing Universitas Duke ing North Carolina (Amerika Serikat) wonten ing periode 1960-1962. Disertasinipun kgaungan judhul La Concentración del Poder Económico (Konsentrasi Kekiyatan Ekonomi) ingkang ngutuk monopoli lan oligopoli pikantuk pepujan.[5]

Taun 1961, piyambakipun palakrama kaliyan Carmen Weber lan pisahan 6 taun candhakipun. Taun 1971, piyambakipun palakrama kaliyan Luisa Duran. Periode 1963-1972, piyambakipun dados Direktur Lembaga Ekonomi lan Fakultas Ilmu Pulitik lan Administrasi wonten ing Universitas Chile. Antawising taun 1974-1978, piyambakipun makarya wonten ing PBB lan ILO. Kondur dhateng Chile taun 1986, piyambakipun nyambut damel wonten ing Universitas Chili saperlu mucal pulitik lan administrasi nagara, kejawi nyepeng jabatan-jabatan sanesipun. Wonten ing taun punika ugi, piyambakipun dados ketua babagan koalisi anti-Pinochet.

Sing mengku  sadurungé:
Eduardo Frei Ruiz-Tagle
Presiden Chili
2000–2006
Diganti déning:
Michelle Bachelet


Cathetan Suku[besut | besut sumber]

Temokna informasi luwih akèh ing Ricardo Lagos kanthi nggolèki ing proyèk kagandhèng Wikipedia
Wiktionary-logo.svg Dictionary definitions saka Wiktionary
Wikibooks-logo.svg Textbooks saka Wikibooks
Wikiquote-logo.svg Quotations saka Wikiquote
Wikisource-logo.svg Source texts saka Wikisource
Commons-logo.svg Images and media saka Commons
Wikinews-logo.svg News stories saka Wikinews
Wikiversity-logo-en.svg Learning resources saka Wikiversity
Sumber artikel punika saking kaca situs web: "https://jv.wikipedia.org/w/index.php?title=Ricardo_Lagos&oldid=1052407"