Pinguwin afrikah
| Pinguwin afrika | |
|---|---|
| |
Klasifikasi ngèlmiah 
| |
| Karajan: | Animalia |
| Filum: | Chordata |
| Klas: | Aves |
| Ordho: | Sphenisciformes |
| Famili: | Spheniscidae |
| Génus: | Spheniscus |
| Spésies: | S. demersus |
| Jeneng binomial | |
| Spheniscus demersus (Linnaeus, 1758) | |
| |
| Sebarané pinguwin afrika | |
Pinguwin afrika (Spheniscus demersus), uga aran pinguwin kuldi lan pinguwin sikil ireng, iku spésies pinguwin kang uripé ing pabanyon Afrika iring kidul. Pinguwin iki uga kaceluk pinguwin "kuldi" amarga swarané kang sora kaya bengokané kuldi.[2] Mangkonoa, spésies iki dudu siji-sijiné kang bisa mbengok mangkono. Kaya pinguwin liyané, spésies iki ora bisa mabur, awaké lencir, lan suwiwiné rata minangka siwar ing habitat sagara. Pinguwin diwasa boboté watara 2.2–3.5 kg (4.9–7.7 lb) lan dedegé 60–70 cm (24–28 in).
Sebaran lan habitat
[besut | besut sumber]Pinguwin afrika mung tinemu ing pasisir kidul-kulon Afrika. Uripé nggrombol minangka koloni lan kasebar ing 24 pulo antarané Namibia lan Teluk Algoa, cedhak Port Elizabeth, Afrika Kidul.[1] Spésies iki minangka pinguwin siji-sijiné kang tumangkar ing Afrika lan njalari siji kapuloan kang dadi habitaté karan Kapuloan Pinguwin.
Rong koloni pinguwin muncul ing taun 1980-an ing dharatan cedhak Cape Town, ya iku Pasisir Boulders ing cedhak Simon's Town lan Stony Point ing Teluk Betty. Koloni-koloni dharatan mau muncul bokmanawa amarga sudané prédhator. Mangkonoa, koloni ing Teluk Betty tau diserang léyopar.[3][4] Siji-sijiné koloni dharatan liyané ana ing Namibia, nanging ora kasumurupan kapan munculé.
Pasisir Boulders iku minangka jujugan pariwisata awit saka pasisiré, kanggo nglangi, lan pinguwiné.[5][6] Pinguwiné bisa dicedhaki manungsa saorané samèter cedhaké.
Populasi tangkaran saka pinguwin afrika ana ing sawenèh kebon binatang ing saindengé donya. Ora ana koloni kang kasumurupan sanjabané pasisir kidul-kulon Afrika, sanajan sok tinemu pinguwin-pinguwin nom mencar adoh saka habitat lumrahé.
Populasi
[besut | besut sumber]Watara 4 yuta pinguwin ana ing kawitané abad 19. Saka 1,5 yuta populasi pinguwin afrika kang kinira ana ing taun 1910, mung watara 10%-né kang rahayu ing wekasané abad 20. Populasi pinguwin afrika, kang tumangkar ing Namibia lan Afrika Kidul, wis suda 95% kawit jaman praindhustri.[7]
Populasi gunggung suda akèh dadi 200.000 ing taun 2000. Ing taun 2010, angkané kinira mung watara 55.000. Kanthi rikaté anggoné suda, pinguwin afrika dinuga bakal cures ing alam alasan nalika taun 2026.[8]
5.000 pasangan pinguwin kinira urip ing Namibia ing taun 2008; ing taun 2012, watara 18.700 pasangan kinira urip ing Afrika Kidul, kanthi pérangan gedhéné cacah mau urip ing Pulo St. Croix ing Teluk Algoa.[1][9]
Réferènsi
[besut | besut sumber]- ↑ a b c BirdLife International (2013). "Spheniscus demersus". IUCN Red List of Threatened Species. Version 2013.2. International Union for Conservation of Nature. Dibukak ing 26 Novèmber 2013.
- ↑ Favaro, Livio; Ozella, Laura; Pessani, Daniela; Pavan, Gianni (30 Juli 2014). "The Vocal Repertoire of the African Penguin (Spheniscus demersus): Structure and Function of Calls". PLoS ONE. 9 (7): e103460. doi:10.1371/journal.pone.0103460. PMID 25076136.
- ↑ "The African Penguin". Bettysbay.info. 2010-04-08. Diarsip saka sing asli ing May 30, 2012. Dibukak ing 2012-03-30.
- ↑ CapeNature increases protection from predators at Stony Point Archived 2018-08-07 at the Wayback Machine.. capenature.co.za
- ↑ "Table Mountain National Park". SANParks. Dibukak ing 2012-03-30.
- ↑ "Boulders Beach, Swimming with Penguins - Swimming with Penguins in South Africa". Goafrica.about.com. 2010-06-14. Dibukak ing 2012-03-30.
- ↑ Kilduff, Catherine (September 28, 2010) Vanishing African Penguin, Threatened by Climate Change and Fishing, Wins Protections. seaturtles.org
- ↑ "African Penguin | Endangered | Cape Town". Globalpost.com. 2011-06-19. Dibukak ing 2012-03-30.
- ↑ Makhado, A.B., B.N. Dyer, R. Fox, D. Geldenhuys, L. Pichegru, R.M. Randall, R.B. Sherley, L. Upfold, J. Visagie., L.J. Waller, P.A. Whittington, and R.J.M. Crawford. 2013. Estimates of numbers of twelve seabird species breeding in South Africa, updated to include 2012. Branch Oceans and Coasts, Department of Environmental Affairs, Cape Town.