Pasisir Senggigi

Saka Wikipédia, bauwarna bébas basa Jawa
(Dilih saka Panté Senggigi)
Pasisir Senggigi

Pasisir Senggigi inggih punika papan pariwisata ingkang kawéntar wonten ing Lombok, Lombok Barat, Nusa Tenggara Barat. Pasisir punika gadhah garis pasisir ingkang dawa satemah katon éndah kangge sesawangan saha dados salah satunggaling wisata segara ing Pulau Lombok. Pasisir Senggigi punika madep langsung dhateng laut Selat Lombok.Saking pesisir ingkang landai punika dados papan ingkang ngremenaken kanggé renang saha nonton kaéndahan Gunung Agung, Bali [1].

Pasisir Senggigi punika boten seageng Pasisir Kuta, Bali, ananging menawi wonten ing mriki kados wonten ing Pasisir Kuta, Bali. Pesisir pasisirnipun tasih asri. Kejawi punika pemandangan wonten ing sangandhaping segara ugi éndah sanget. Para wisatawan kathah ingkang nyobi snorkling amargi ombakipun boten ageng sanget. Terumbu karang njorok manengah ndamel ombakipun pecah wonten tengah. Wonten ugi hotèl-hotèl mawi regi ingkang manéka warni, saking hotèl mawi regi ekonomis dumugi ingkang awis sanget [2].

Batu Bolong[besut | besut sumber]

Kirang langkung setengah jam mawi mlampah, para wisatawan saged dumugi Batu Bolong ing pasisir punika. Batu Bolong inggih punika satunggaling pura ingkang kabangun wonten ing sanginggiling karang ingkang mapan ing pinggiring pasisir. Miturut legénda ingkang wonten ing masarakat ing mriku kalang rumiyin asring dipunadani pengorbanan satungggaling prawan supados dipangan iwak hiu ing papan punika. legénda sanès nyariosaken bilih rumiyin kathah laré èstri ingkang terjun piyambak saking papan punika dhateng segara amargi lara ati. Saking papan punika ugi katingal Gunung Agung ing Pulo Bali [2].

Batu Layar[besut | besut sumber]

Boten tebih saking batu Bolong punika wonten makamipun ulama. Punika kalebet papan ingkang suci kanggé para penganut Wetu Telu. Batu Layar punika ramé nalika Lebaran topat inggih punika lebaran kanggé tiyang ingkang sampun siam 1 minggu saksampunipun lebaran Idul Fitri.

Papan kanggé nyipeng[besut | besut sumber]

Wonten ing sakiwa tengenipun Pasisir Senggigi punika kathah papan kanggé nyipeng ingkang manéka warni miturut kersanipun piyambak. Wiwit saking hotèl berbintang, resor, hotèl melati dumugi pondokan.

Papan Dhahar[besut | besut sumber]

Ing pinggiring Pasisir Senggigi punika kathah restoran-restoran utawi griya dhahar ingkang nyemeptakaken manéka warni masakan khas Lombok lan jinis dhaharan sanèsipun. Ingkang khas inggih punika Ayam taliwang lan Plecing kangkung.

Menawi para wisatawan badhé mirsani pemandangan Pasisir Senggigi saged nitih cidomo, angkutan khas saking Nusa Tenggara Barat kanthi tarikan jaran.

Cathetan suku[besut | besut sumber]

  1. ^ [1], Kompas - Pasisir Eksotisme Senja di Pasisir Senggigi (dipun-akses tanggal 30 september 2012)
  2. ^ a b [2], Pasisir Senggigi (dipun-akses tanggal 17 Desember 2012)
Sumber artikel punika saking kaca situs web: "https://jv.wikipedia.org/w/index.php?title=Pasisir_Senggigi&oldid=1017691"