Padi (Grup Musik)
| PADI | ||||||||||||||
|---|---|---|---|---|---|---|---|---|---|---|---|---|---|---|
 Logo Padi di album Tak Hanya Diam | ||||||||||||||
| Latar wuri | ||||||||||||||
| Lair |  Surabaya, Indonesia
| |||||||||||||
| Jinis Musik | Pop, Rock | |||||||||||||
| Taun aktif | 1997-saiki | |||||||||||||
| Situs resmi | http://www.sobatpadi.net | |||||||||||||
| Anggota | ||||||||||||||
| Satriyo Yudi Wahono Ari Tri Sosianto Rindra Risyanto Noor Andi Fadly Arifuddin Surendro Prasetyo | ||||||||||||||
| ||||||||||||||
Padi ya iku kelompok band kang diadegakaké ning kutha Surabaya ning tanggal 08 April ning taun 1997, personilé saka Fadly (Andi Fadly Arifuddin kang nyekel pérangan vokal), Ari (Ari Sosianto kang nyekel gitar), Yoyo (Surendro Prasetyo kang nyekel drum), Rindra (Rindra Risyanto Noor nyekel bas) lan Piyu (Satriyo Yudi Wahono kang nyekel gitar).[1]
Grup musik iki diwangun ning Surabaya, tanggal 8 April taun 1997 lan wiwit dikenal masarakat ning akir taun 1990-an.[1] Warna musiké dianggep anyar ning dunya musik pop rock Indonésia.[1]
Padi iku grup kreativitas seni mahasiswa Universitas Airlangga Surabaya, kang awalé nganggo jeneng 'Soda', nanging saiki diganti dadi Padi.[1]
Debut albumé Padi iku themané Lain Dunia ning taun 1999 kang akiré kaadol nganti 800 ribu kopi.[1] Sawisé iku nyusul albumé kang judhulé Sesuatu Yang Tertunda ning taun 2001 kang uga sukses kaadol nganti 1,6 yuta kopi.[1] Albumé salanjuté Save My Soul ning taun 2003, lan kang paling akiré ya iku albumé kang judhulé Padi (ning taun 2005).[1]
Ora namung iku, Padi uga tau ngrilis album kompilasi kaya ta Official Songs World Cup (lagu Work of Heaven, ning taun 2002), Album rohani Family Songs Hadad Alwi (Doaku, 2003), Tribute to Ian Antono (Saksi Gitar Tua, 2004), lan album sosial kanggo kurban Tsunami ning Acèh iki judhulé Kita Untuk Mereka (lagu 26 Dhésèmber, 2005).[1]
Luwih saka 2 taun Padi ora ngrilis album.[1] Ning tanggal 16 November taun 2007, Padi ngrilis manèh album anyaré kang judhulé TAK HANYA DIAM.[1] Esih ning label Sony BMG Indonésia Padi ngrilis album kaping limané kang isiné 10 tetembangan iki.[1] Ning album iki njagokaké tetembangan kang judhulé Tak Hanya Diam, Sang penghibur lan Harmony.[1]
Amarga ora ana kabaré nganti rong taunnan, grup musik iki dikabaraké bakal bubar.[2] Band kang dimotori déning Piyu lan kanca-kancané iki, akiré mbantah ning acara DAHSYAT 2.[2] Grup iki bakal tampil kanthi cara langsung kanggo mbuktikaké manawa grup iki bakal tetep eksis.[2]
Taun 2010, sawisé vakum sasuwené rong taun Padi wiwit ngrilis album anyar kang konsepé anyar.[1] Ning konsèp album iki para personelé niaté bakal nuangaké kreativitas kang asilé béda karo albumé kang wis-wis.[1]