Owen Arthur

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
The Right Honourable
 Owen Seymour Arthur MP
Owen Arthur


Mangsa jabatan
6 September 1994 – 16 Januari 2008
Monark Elizabeth II
Gubernur Jendral Clifford Husbands
Deputi Mia Mottley
Didhisiki déning Erskine Sandiford
Diganti déning David Thompson
Konstituènsi Saint Peter

Miyos (1949-10-17) 17 Oktober 1949 (umur 69)
Partai pulitik BLP
Garwa Julie Arthur
Papan dunung Ilaro Court 1994-2008
Profèsi Ekonom

Owen Seymour Arthur (lair 17 Oktober 1949; umur 69 taun) inggih punika Mahamantri Barbados wiwit taun 1994 dumugi taun 2008.[1]

Piyambakipun mengku kalungguhan wiwit tanggal 7 September 1994, minangka Mahamantri Barbados ingkang angka 5. Arthur, ingkang miyos wonten ing Barbados, nalika yuswanipun ngancik angka 44 dados salah satunggaling pulitikus Barbados paling timur ingkang dipunangkat mengku kalungguhan.[2]

Kanthi sukses piyambakipun mimpin Parté Buruh Barbados (BLP) saperlu menangaken Pemilu ingkang dipunadani wonten ing tanggal 6 September 1994, nalika menangaken 19 saking 28 kursi wonten ing House of Assembly. Piyambakipun wangsul malih mbekta BLP dhumateng kamenangan ageng wonten ing tanggal 20 Januari 1999, menangaken 26 saking 28 kursi.

Karier pulitik Mahamantri punika kawiwitan nalika piyambakipun dipunangkat minangka anggota Senat Barbados rikala taun 1983. Piyambakipun dados anggota parlemen taun 1984 lan dipunangkat minangka Pemimpin Oposisi nalika taun 1993. Piyambakipun tetep dados Ketua Parté Buruh Barbados.[3]

Mahamantri punika lenggah wonten ing All Saints' Boys' School, Coleridge and Parry School on a Government Scholarship, Harrison College lan Universitas Hindia Barat, Cave Hill and Mona Campuses, pungkasanipun wonten ing pascasarjana U.W.I.

Panyepeng gelar Bachelor of Arts (BA) (pakurmatan golongan atas angka 2) wonten ing babagan ékonomi lan sajarah, lan Master of Science wonten ing babagan ékonomi, Arthur miwiti karier kerjanipun wonten ing wewengkon Jamaika, minangka Asisten Riset wonten ing Departemen Manajemen Kampus Mona, U.W.I.

Nalika taun 1974 piyambakipun pikantuk kadudukan minangka Wakil Perencana Ékonomi wonten ing Agen Perencanaan Nasional ing tlatah Jamaika. Wonten ing wekdal 5 taun piyambakipun dumugi kadudukan atas Ketua Perencana Ékonomi. Pangangkatan candhakipun Arthur inggih punika Direktur Ékonomi, wiwit saking taun 1979 tumuju taun 1981, wonten ing Institut Bauksit Jamaika.

Minangka Direktur, tanggel jawabipun kalebet pangaturan Divisi Urusan Ékonomi lan Keuangan ingang ngawasi produksi bauksit wonten ing Jamaika, pambayaran dipuntarik lan dipunkengingaken dhumanteng parusahan lan sadaya aspèk sanès saking palaksanan lan urusan ékonomi indhustri bauksit Jamaika.

Piyambakipun makili Jamaika wonten ing Grup Ekspor Antar-Pamaréntahan UNCTAD ing Transfer Teknologi nalika taun 1975 lan 1976, minangka anggota Gugus Tugas OAS wonten ing Transfer Teknologi ing Karibia lan anggota Proyek Studi Kabijakan Teknologi Karibia antawising taun 1977 lan 1978. Kajawi punika, Arthur ugi njabat minangka anggota Dewan Direktur saking Dewan Riset Ilmiah Jamaika.

Nalika taun 1981, Arthur kondur malih dhateng Barbados lan pikantuk kalungguhan dados Ketua Analis Proyek ing Kementrian Keuangan lan Perencanaan, ing pundi piyambakipun mbiyantu kanthi penyediaan lan tinjauan studi pra-kamungkinan kadadosan lan kamungkinan kadadosan wonten ing hubunganipun kaliyan program investasi umum Barbados.

Cathetan suku[besut | besut sumber]


Didhisiki déning:
Erskine Sandiford
{{{jabatan}}}
1994-2008
Diganti déning:
David Thompson