Nusa Kambangan
| Geography | |
|---|---|
| Location | Asia Tenggara |
| Coordinates | 7°45′S 108°55′E / 7.750°S 108.917°E |
| Administration | |
Indonésia | |
| Demographics | |
| Population | Sakiwa-tengené 3.000 jiwa (pagawé LP lan kulawargané), lan atusan narapidana) |
Nusa Kambangan iku sawijining pulo ing Jawa Tengah kang luwih kaloka minangka papan dunungé sawatara Lembaga Pemasyarakatan (LP) kanthi tataran kaamanan dhuwur ing Indonésia. Pulo iki kalebu sajeroning wewengkon administratif Kabupatèn Cilacap lan kacathet sajeroning pratélan pulo paling jaba Indonésia. Tumuju menyang pulo iki wong kudu nyebrang nganggo kapal féri saka palabuhan mirunggan ing Cilacap sajeroning kurang-luwih limang menit. Plabuhan feri pulo iki jenengé Wijayapura.
Biyèn ana sangang LP ing Nusa Kambangan (kanggo narapidana lan tahanan pulitik), nanging saiki kang isih operasi mung kari papat, ya iku LP Batu (diyasa 1925), LP Besi (diyasa 1929), LP Kembang Kuning (taun 1950), lan LP Permisan (tuwa dhéwé, diyasa 1908). Lima liyané, ya iku Nirbaya, Karang Tengah, Limus Buntu, Karang Anyar, lan Gleger wis ditutup. Wewengkon kidul pulo ngadhep langsung menyang Samodra Indonésia kanthi pasisir karang lan ombak gedhé. Wewengkon lor ngadhep Cilacap lan dikubengi kampung-kampung warigaluh sadawaning alas bakau, antarané Kampung Laut lan Jojog.
Padunung Nusakambangan mung para narapidana lan punggawa LP lan kulawargané, ing sangisoré pengawasan Departemen Kehakiman lan Pemda Cilacap. Lumebu metu pulo iki kudu duwé idin mirunggan liwat prosedur kang wis ana. Anak-anak para punggawa lumebu sekolah ing SD kang dumunung ing pulo iki. Kanggo nerusaké tingkat lanjutan (SMP, SMU, utawa pawiyatan luhur),kudu sekolah ing Cilacap utawa kutha liyané ing Pulo Jawa.
Pelabuhan utama feri kang ana ing Nusakambangan ya iku Pelabuhan Sodong, mligi kanggo prelu transportasi kulawarga lan punggawa sarta narapidana.
Sawetara pesakitan misuwur
[besut | besut sumber]- Johnny Indo, tau lumayu nanging kacekel manèh.
- Kusni Kasdut
- Pramoedya Ananta Toer
- Tommy Soeharto
- Bob Hasan
- Amrozi
- Imam Samodra
- Mukhlas
- Ang Kiem Soei
Uga delengen
[besut | besut sumber]Pranala njaba
[besut | besut sumber]- "Mencari Makna Kemerdekaan Manusia dari Nusakambangan", Sinar Harapan
- "Penebangan Liar di Pulau Nusakambangan Marak" Archived 2007-03-13 at the Wayback Machine., KOMPAS, 16 Januari 2006