Ang Kiem Soei
Ang Kiem Soei alias Tommy Wijaya[1] (Fakfak[2], Nieuw-Guinea, 1952-Nusa Kambangan, Jawa Tengah, 18 Januari 2015) iku sawijining wong Walanda katurunan Tionghoa-Indonésia sing dikukum pati mawa èksékusi témbak amarga didakwa mèlu produksi XTC kanthi gedhèn-gedhènan. Dhèwèké ndarbèni peparab 'Raja XTC'.
Babad slira[besut | besut sumber]
Ang Kiem Soei lair ing Fakfak, Papua sing nalika iku jenengé Nieuw-Guinea lan isih jajahan Walanda. Ing taun 1975 dhèwèké pindhah menyang Walanda, lan manggon ing Utrecht. Dhèwèké nyambut gawé minangka perantara ing padagangan kayu. Ang Kiem Soei iku wus pegat karo bojoné lan ndarbèni anak papat.[3]
Kadurjanan[besut | besut sumber]
Ing taun 2002 dhèwèké lunga menyang Indonésia kanggo urusan bisnis. Nalika iku ing sawijining pabrik ing Tangerang digrebeg pulisi. Pulisi nemu manawa 15.000 iji pil XTC diprodhuksi saben dinané. Pas digrebeg iki kancané Ang ditémbak mati pulisi, Ang dhéwé dicekel ing Hotèl Borobudur, Jakarta.
Pangadilan[besut | besut sumber]
Miturut jaksa Indonésia, Ang Kiem Soei iku sing dadi dhalangé kabèh lan ndarbèni peparab 'Raja XTC'. Ang Kiem Soei dhéwé maido terus manawa dhèwèké ana gandhèng cènèngé karo tumindhak ala iki. Pambélané ya iku manawa dhèwèké ing Indonésia amarga ana urusan bisnis lan arep main judhi waé, kancané sing wis ditémbak mati pulisi iku bosé utawa papan anggeganané.[3]
Èksékusi[besut | besut sumber]
Ing tanggal 15 Januari 2015 pamaréntah Indonésia ngandaraké manawa panyuwunan grasi Ang Kiem Soei ora diwènèhi. Ing tanggal 18 Januari 2015, dhèwèké ditémbak mati déning wadyabala panémbak ing Nusa Kambangan.[2][4][5][6]
Réferènsi[besut | besut sumber]
- ↑ Presiden Jokowi Dimusuhi Tiga Nagara, Tempo, 18 Januari 2015
- ↑ a b Tepat Tengah Malam Puluhan Aparat Bersiaga Archived 2015-01-23 at the Wayback Machine., MetroTv 18 Januari 2015
- ↑ a b Ectasy-koning maakt wondermedicijn, Volkskrant 1 juli 2003
- ↑ Doodstraf in Indonesië Archived 2015-01-16 at the Wayback Machine., PrisonLaw, 26 februari 2011
- ↑ Drie Nederlanders wacht doodstraf in Indonesië, NU.nl, 14 mei 2012
- ↑ Indonesië executeert zondag Nederlander, NOS.nl, 15 januari 2015