Nomer Pokok Sekolah Nasional

Nomer Pokok Sekolah Nasional (NPSN) iku kodhe pengenal sekolah Indonésia sing sifaté unik lan mbédakaké siji sekolah lan sekolah liyané.

Sistem NPSN sifaté nasional lan nggantèkaké kodhe-kodhe sadurungé (kaya NIS) sing béda-béda format ing siji tlatah lan tlatah liyané. Sadurungé, aturan panyusunan kodhe pengenal sekolah antara siji provinsi bisa béda karo provinsi liya. Wusanané bisa kadadéan data sekolah gandha sing bisa duwé imbas marang sistem penggajian, penilaian, lan registrasi liyané. NPSN minangka penggabungan sistem saéngga saben sekolah bakal duwé kodhe sing unik lan dadi pambéda utama antara siji sekolah lan sekolah liyané ing Indonésia.

Sistem penomeran

Kodhe NSPN migunakaké wolung digit, lan lumaku tumrap kabèh sekolah ing Indonésia lan ing manca nagara sing afiliasi menyang Indonésia. Format baku awujud XYYZZZZZ, yakuwi X minangka Kodhe Wilayah, YY minangka Nomer Golongan, lan ZZZZZ nomer serial mligi kanggo saben sekolah.

Nganggo sistem iki, total kapasitas sekolah sing bisa didaftar yakuwi 9,9 yuta sekolah saben tlatah.

Kodhe Wilayah ditemtokaké kaya mangkéné:

1. Sumatra lan saubengé : 1
2. Jawa lan saubengé : 2
3. Kalimantan lan saubengé : 3
4. Sulawesi lan saubengé : 4
5. Bali, Nusa Tenggara, lan saubengé : 5
6. Kapuloan Maluku, Papua lan saubengé : 6
7. Manca Negara : 9
8. Cadhangan : 7 - 8

Pranala njaba

• Situs resmi NPSN Archived 2009-09-19 at the Wayback Machine.