Menyang kontèn

Nindy

Saka Wikipédia Jawa, bauwarna mardika basa Jawa
Nindy Ayunda
LairAnindia Yandirest Ayunda
(1989-01-10) Januari 10, 1989 (umur 36)
Padang, Sumatera Barat, Indonesia
BangsaIndonesia
PakaryanPenyanyi, Artis
Taun aktif2006 - sapunika
BojoQibil "The Changcuters" (tilas)

Anindia Yandirest Ayunda utawi langkung misuwur kanthi asma Nindy Ayunda (lair ing Padang, 10 Januari 1989; umur 36 taun) inggih punika penyanyi lan aktris saking Indonesia.[1] Nindy Ayunda kalebet lulusan SMA Labschool Jakarta.[1]

Nindy Ayunda kapilih dados juwara I Sumbar (Sumatera Barat) Talenta.[2] Amargi punika, Nindy Ayunda dipundhawuhi kanggé nyanyi ing Kantor Kadutaan Ageng Malaysia.[2] Sanésipun punika, Nindy Ayunda ugi menang ing kontés dhuet kaliyan Audy ingkang dipunlaksanakaken déning salah satunggalipun prodhuk kecantikan.[2] Ing kontés punika Nindy Ayunda nyanyi lagu Untuk Sahabat ingkang ing wonten album 23-03.[2] Taun 2007, Nindy Ayunda mlebet dhapur rekaman.[2] Sasanesipun nyanyi lagu Matahari ing album Ost. Badai Pasti Berlalu, Nindy Ayunda ugi naté ndhèrèk golongan vokal Bragi supados nyanyi lagu kanthi irah-irahan Tidur Malam Ini; ing album Bragi ingkang énggal, The Best of Bragi.[2] Nindy Ayunda ngliris albumipun ingkang kapisan nalika tanggal 20 Oktober 2008 kanthi irah-irahan Tak Pernah Kubayangkan. Amargi juwara ing adicara kontès Olay Duet with Audy ing taun 2006 saged damel inspirasi Nindy Ayunda supados terjun total ing jagad musik.[2] Lagunipun ingkang kapisan kanthi irah-irahan "Buktikan"' sukses sanget amargi lirikipun ingkang easy listening, kasil dados posisi kapisan ing radio airplay ngantos gangsal minggu.[2]

Cathetan suku

[besut | besut sumber]
  1. a b Twiter Nindy dipunundhuh tanggal 1 Agustus 2011)
  2. a b c d e f g h Sony Music Indonesia Archived 2008-12-26 at the Wayback Machine. dipunundhuh tanggal 1 Agustus 2011)

Pranala njawi

[besut | besut sumber]

Twiter Nindy