Ngenest The Movie
| NGENEST | |
|---|---|
| Disutradarani | Ernest Prakasa |
| Diprodhuseri | Chand Parwez Servia Fiaz Servia |
| Ditulis déning | Ernest Prakasa |
| Dibintangi | Ernest Prakasa Kevin Anggara Lala Karmela Amel Carla Morgan Oey Fico Fachriza Brandon Nicholas Salim Ferry Salim Ardit Erwandha Olga Lydia Budi Dalton Ade Fitria Sechan |
Perusahaan prodhuksi | |
Tanggal metu | 30 Disember 2015 |
Suwéné | 95 Menit |
| Nagara |  Indonesia |
| Basa | Bahasa Indonesia |
Filem NGENEST ya iku filem komèdi kang ditayangké ana ing Bioskop Indonesia ing 31 Dhésèmbér 2015. Filem NGENEST - "Kadang Hidup perlu Ditertawakan" iku asil saka adhaptasi saka novèl kang laris wis terbit tekan 3 jilid[1] kang padha judhulé, NGENEST - Ngetawain Hidup Ala Ernest Prakasa 1, 2, lan 3 déning Ernest Prakasa prodhuksi Starvision Plus. Filem iki uga dilakokaké déning komika-komika kondhang.[1]
Ringkesan
[besut | besut sumber]NGENEST nyaritakaké bab Ernest Prakasa (Sky Tierra Solana - Kevin Anggara - Ernest Prakasa), wong kang keturunan Tionghoa kang ngerasakaké aboté lair minangka minoritas kang kerep dibully déning kanca-kanca sekolah wiwit dhèwèké ana ing SD. Dadi korban bully iku gawé dhèwèké ora gelem yèn keturunané sesuk nandhang nasib padha. Kanggo iku, dhèwèké janji kanggo dhaup karo wadon pribumi, nganggoo pangarep-arep supaya anaké ora nandhang nasib kang padha.
Ernest iki putra saka pasangan (Ferry Salim - Olga Lydia) keturunan Tionghoa. Kang rupa fisiké katon yèn dhèwèké wong Cina. Kulit putih, mripat sipit. Dilairaké nduwé mripat sipit lan kulit putih dadi kapitunan kanggo dhèwèké
Wiwit dina pisanan ing SD, dhèwèké langsung dibully. Kadadéan iki ana terus nganti SMP. Ing SMP, dhèwèké nyoba cara kang beda-beda, ya iku nyoba kanggo kekancan karo wong-wong kang dadi pembully. Nanging, cara iki gagal. Ing pungkasan, Ernest mikir yèn iki nasib kang wis kudu ditampa. Ernest bisa dianggep kabejan amarga kanca-kancané kang padha katurunan Cina uga nandhang kasusahan ing kelasé.[2] Dhèwèké sadar yèn iki aja nganti dialami déning keturunané sesuk. Dhèwèké kudu medotaké mata rantai, déning cara saka dhaup karo wadon pribumi, nganggo pangarep-arep dhèwèké bakal duwé anak pribumi. Rencana iki ora disetujui déning kanca cedhaké wiwit SD, Patrick (Marvell Adyatma - Brandon Nicholas Salim - Morgan Oey).
Ing taun katelu kuliyah, dhèwèké banjur kenalan karo Meira (Lala Karmela), cah wadon Sunda/Jawa kang saiman karo dhèwèké. Perkara metu nalika Ernest ketemu karo bapaké Meira (Budi Dalton) kang ora seneng yèn anaké pacaran karo wong Cina, amarga dhèwèké tau arep bangkrut amarga diapusi déning kanca bisnis kang uga Cina. Nanging Ernest bisa menangaké atiné calon maratuané iku lan sawisé pacaran limang taun, Ernest dhaup karo Meira.
Sawisé dhaup, Ernest khawatir. Piyé yèn anaké lair persis karo bapaké? Piyé carané nalika dhèwèké isih ora bisa nahan supaya anaké ora dibully? Kawedénan iki nggawe Ernest ora kepengin duwé anak dhisik. Nanging, Meira wis dipeksa wong tuwané uga, supaya duwé anak. Ing pungkasané, Ernest ngalah amarga wedi kélangan Meira. Rong taun sawisé dhaup, Meira hamil.
Saya suwi wetengé Meira saya gedhé, saya gedhé kawedenané Ernest. Nyedhaki mangsa babaran, Ernest saya wedi. Amarga stres, Ernest gawé salah ing kantor kang ndadékaké dhèwèké dinesuni déning bos (Lolox). Ora kuwat ngadepi perkara, Ernest lumayu menyang panggonan ing ngendi dhèwèké lan Patrick biasa ndhelik nalika cilik.
Ing pungkasané Patrick nemokaké Ernest ing kana, lan ngandhani yèn Ernest kudu menyang rumah sakit. Ernest menyang Rumah Sakit lan ngancani Meira nglairaké. Meira uga nglairaké bayi kang nduwèni mripat sipit. Sanajan anaké ketok Cina kaya bapaké, nanging Ernest seneng banget. Lairé anaké wis dadekké dhèwèké wani kanggo ngadhepi urip, apa wae tantangané.
Paraga
[besut | besut sumber]| Paraga | Lakon |
|---|---|
| Ernest Prakasa | Ernest |
| Lala Karmela | Meira |
| Kevin Anggara | Ernest Enom |
| Amel Carla | Ipeh Enom |
| Morgan Oey | Patrick |
| Regina Rengganis | Nadia |
| Brandon Nicholas Salim | Patrick Enom |
| Ferry Salim | Papa Ernest |
| Olga Lydia | Mama Ernest |
| Ardit Erwandha | Faris Enom |
| Fico Fachriza | Bowo Enom |
| Bakriyadi Arifin | Bakri Enom |
| Angie Ang | Irene |
| Ge Pamungkas | Willy |
| Budi Dalton | Papa Meira |
| Ade Fitria Sechan | Mama Meira |
| Muhadkly Acho | Dhokter |
| Lolox | Boss Ernest |
| Jui Purwoto | Tukang Cilok |
| Tretan Muslim | Apoteker |
| Adjis Doa Ibu | Abdul |
| Awwe | Jaya |
| Arie Kriting | Preman 1 |
| Bene Dionysius | Preman 2 |
| Liant Lin | Korban Bully Ernest Enom |
| Franda | Vania |
| Chika Jessica | Bidan |
| Ence Bagus | Bocah 1 |
| Asep Suaji | Bocah 2 |
| Pandu Winoto | Tukang Siomay |
| Anyun Cadel | Sopir Angkot |
| The Overtunes | Penampilan Spesial |
Rujukan
[besut | besut sumber]- ↑ a b "Film Ngenest Ngetawain Hidup Ala Ernest Prakasa". Tribunnews.com (ing basa Indonesia). 2015-12-17. Dibukak ing 2019-01-08.
- ↑ "Ngenest, Komedi Satir Keturunan Cina". Republika Online. 2015-12-30. Dibukak ing 2019-01-08.