Namhansanseong

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Namhansanseong
Sueojangdae (Pos perintah Sueojangdae)
Jeneng Koréa
Hangul 남한산성
Hanja 南漢山城
Alihaksara sing Disampurnakaké Namhansanseong
McCune–Reischauer Namhansansŏng

Namhansanseong (tarjemah harfiahipun "Bèntèng Pagunungan Han Kidul")[1] inggih punika satunggaling taman ingkang mapan ing papan kanthi inggil 480 m dpl (di atas lumah laut), wonten ing sisih kidul-wétan kutha Seoul. Taman punika mapan wonten ing Namhansan ("Pagunungan Han Kidul"). Taman punika gadhah kubu-kubu pertahanan mawi tanggal abad kaping 17 lan wonten sapérangan kuil [2].

Sajarah[besut | besut sumber]

Adhedhasar kisah tradhisional, situs Namhansanseong wonten gegayutanipun kaliyan Onjo, ingkang madegaken Baekje. Nalika taun 672, satunggaling bètèng ingkang dipunwastani Jujangseong (晝長城) dipunyasa ing pojok sisih kilèn Namhansan kanggé njagi Silla saking Tang Cina. Lajeng bètèng punika dipunparingi nama Iljangseong (日長城). Raja Goryeo ngrenovasi bètèng punika minangka satunggaling pos paling ngajeng kanggé Gwangju, kutha krajan provinsi ingkang paling celak. Kathahipun bètèng ingkang wonten sapunika mawi tanggal saking jaman Joseon. Konstruksinipun dipunrencanakaken déning Seo, ing wiwitan 1624, nalika Manchu paling ancaman marang Ming Cina. Ing taun 1636, Manchu menginvasi lan Raja Injo mlayu sareng kaliyan pejabat astana lan 13.800 tentaranipun dhateng Namhansanseong. Wonten ing mriki sami pikantuk perlindungan saking penjaga ingkang wonten 3000 tiyang biarawan petarung. Manchu boten saged mendhet bètèng punika amargi wonten badai, nanging bibar 45 dipunkepung lan pasokan dhaharan sampun telas lan raja kapeksa nyerah maringaken laré-larenipun minangka sandra lan pindah saking Ming. Monumen Samjeondo (三田渡碑) jumeneng ing margi pérangan kidul saking Seoul dhateng Namhansanseong kanggé paring tandha prastawa punika. Bibar wadyabala Manchu dipuntarik, Namhanseong dipunangguraken dumugi pamaréntahan Raja Sukjong, ingkang miyaraken lan nambah Pongamseong ing pojokan pérangan timur laut aréa bètèng nalika taun 1686. Ruang tambahan sanèsipun punika Hanbongseong ingkang dipunyasa sedawaning bukit ing pérangan wétan bètèng nalika taun 1693. Langkung kathah karya sanèsipun ingkang dipundamel nalika masa pamaréntahan Raja Yeongjo (1724-76). Tembok sandaran klawu dipundamel taun 1778, nalika masa pamaréntahanipun Raja Jeongjo.

Taman Provinsi Namhansanseong[besut | besut sumber]

Bèntèng punika boten dipun-ginakaken lan sansaya dangu ambruk dumugi taun 1954. Lajeng bètèng punika dipunsahaken minangka satunggaling taman nasional sarta dipunlampahi rénovasi. Ing wiwitanipun, ing aréa bètèng punika wonten sangang kuil sarta sapérangan pos komando ugi menara pengintai. Nanging, sapunika ingkang taksih wonten namung pos komando inggih punika Seojangdae (西將台), sarta satunggaling tunggal inggih punika Changgyeongsa. Kajawi punika wonten ing sapérangan kuil énggal sanèsipun wonten ing jalur dumugi ing gerbang kidul lan témbok-témbok bètèng. Gerbang ing sisih lèr, kidul lan wétan sampun dipunleresaken kawontenanipun.

Kawontenana pusat kutha Seoul saking témbok bètèng-prelu dipundamel ageng supados saged mirsani atusan blok apartemen.

Ugi pirsani[besut | besut sumber]

Cathetan suku[besut | besut sumber]


Pranala njawi[besut | besut sumber]