Muséum

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Museum Louvre, Paris, Perancis, salah sawijining muséum paling gedhe sadonya.

Muséum iku gedhung/bangunan kanggo nyimpen patilasan utawa barang kang ngandhut sajarah. Ing jaman saiki, akèh uga muséum kang nyimpen barang-barang kontemporèr, ora mligi marang sing kuna banget.

Muséum manut Encyclopedia Americana (EA), tegesé sawijining lembaga (institusi) sing awèh pangladènan telung perkara: pengumpul (collection), pelindung (preservation), lan mamerake obyek (presentation of objeks).[1] Miturut Budpar ing (Pasal 1.(1). PP. No. 19 Tahun 1995), Museum ing kaitane karo warisan budaya, ya iku lembaga, panggonan nyimpen, ngrawat, ngamanake barang bukti materiil asil budayane manungsa, alam, lan lingkungan kanggo nyengkuyung usada perlindungan lan pelestarian kekayaan budaya bangsa [2].

Sejarah[sunting | besut sumber]

Tembung ‘muséum’ asale saka basa Yunani Kuno, ‘museion’, sing tegese “kuil kanggo panggonan nyembah 9 Dewi Muse.”[3] Ing mitologi klasik, Muse ya iku dewa-dewa literature (mligine ing bab puisi), musik, tarian, lan kabeh sing ana gegayutane karo kaendahan, pengetahuan, lan ilmu pengetahuan; dewi iku kabeh padha nyanyi lan nari ing pangawasane Apollo, ya iku Musagates (pandhegane Muse).[3] Dewi-dewi iku ya iku (Calliope, Clio, Erato, Euterpe, Thalia, Melpomene, Polyhimnia, Terpsichore, lan Urama) ya iku putri-putri Dewa Zeus lan Mnemosyne-dewa paling dhuwur ing pantheon Yunani Kuno.[3] Dewi iku mau dipepuja ing saben acara ritual pengabdian masyarakat kanggo Zeus (Encyclopedia Americana,1970).[3] Saliyane iku, budpar uga mratelakake yen muséum iku pangonan kerja ahli-ahli pikir zaman Yunani kuna, kaya sekolahane Pythagoras lan Plato.[4] Sansaya suwe muséum kang wiwitane panggonan ngumpulake barang lan alat kang dibutuhake kanggo penyelidikan ilmu lan kesenian, owah dadi panggonan ngumpulake barang aneh lan langka.[4]

Museum Tua ing Donya[sunting | besut sumber]

  1. Museum paling tua ana ing Alexandria, Mesir, taun 280 SM, ananging durung kabukak kanggo umum [1]. Dene sing dibukak kanggo umum madeg taun 1683, ya iku Asmolean, sing minangka bagian sekolah/ pendidikan sejarah alamiah Universitas Oxford.[1]
  2. Ing London British Museum dibukak taun 1759.
  3. Louvre, ya iku muséum ing Paris, dibukak taun 1793[1].
  4. Prado ing Madrid dibukak taun 1809 déning Yoseph Bonaparte, Raja Spanyol[1].
  5. Sabanjure muséum The Balredere Palace ing Wina dibukak saka pituduhe peneliti Prancis, Lonis Viardot[1].
  6. Museum ing Amerika Serikat dibuka taun 1774, telung taun sadurunnge kemerdekaan, wiwitane diragadi déning Charleston SC, engga seprene diarani Charleston Museum[1].

Delengen Uga[sunting | besut sumber]

Cathetan Suku[sunting | besut sumber]

  1. ^ a b c d e f g Kalawarti Panjebar Semangat. 1997.Hal 4-5
  2. ^ (id)Koleksi Museum Budpar.go.id(dipunundhuh tanggal 22 Februari 2011)
  3. ^ a b c d (id) Musium(dipunundhuh tanggal 22 Februari 2011)
  4. ^ a b (id)Perkembangan Museum(dipunundhuh tanggal 22 Februari 2011)
Sumber artikel punika saking kaca situs web: "https://jv.wikipedia.org/w/index.php?title=Muséum&oldid=1048687"