Muhammad Arifin Ilham
| Muhammad Arifin Ilham | |
|---|---|
 | |
| Lair | 8 Juni 1969 Banjarmasin |
| Pati | Mèi 23, 2019 (umur 49) Jakarta |
| Bangsa | Indonésia |
| Pakaryan | pendakwah |
| Bojo | Wahyuniati Al-Waly |
| Anak | Muhammad Alvin Faiz Muhammad Amer Adzikro |
| Wong tuwa | H. Ismail Marzuki Hj. Nurhayati |
Muhammad Arifin Ilham dikenal dadi ulama pangadeg dhikir. Dhèwèké kang duwé Yayasan Az-Zikra kang dipirantèni kanthi yasan masjid kapasitas 10.000 jamaah.[1]
Lair
[besut | besut sumber]Arifin lair ing Banjarmasin, 8 Juni 1969.[1] Arifin Ilham ya iku anak angka 2 saka sadulur 5, dhèwèké siji-sijiné lanang. Bapake, H. Ilham Marzuki, nyambutgawe dadi staf ing Bank BNI 46 Banjarmasin isih katurunan angka 7 Syeh Al-Banjari, ulama gedhé ing Kalimantan; sawatara ibune, Hj. Nurhayati, klairan Haruyan, Kabupatèn Hulu Sungai Tengah.[2]
Pendhidhikan
[besut | besut sumber]- Pondok Pesantren Darun Najah, Jakarta Selatan (1983-1987)
- Pondok Pesantren As-Syafi'iyah Jakarta Timur (1987-1989)
- Fakultas Ilmu Sosial lan Pulitik Universitas Nasional (Fisipol Unas) Jakarta.[3]
Alamat
[besut | besut sumber]Manawa arep nemoni dhèwèké ora angèl, mung teka baé nalika salat Subuh ing Masjid Al-Amro Bitaqwa, Perumahan Mampang Indah Dhépok, Jawa Kulon cedhak omahé.[1]
Kulawarga
[besut | besut sumber]Garwane ya iku Wahyuniawati Al Wali.[1].28 April 1998.[3]. Kalorone duwé putra Muhammad Alvin Faiz (4 Fèbruari 1999) lan Muhammad Amer Adzikro (21 Dhésèmber 2000.[2]
Pengalaman Organisasi
[besut | besut sumber]Himpunan Mahasiswa Islam (HMI).[4]
Prestasi
[besut | besut sumber]sajarah
[besut | besut sumber]Jalaran cakotan ula,Allah ndadèkaké Arifin Ilham pimpinan majelis zikir, kang miturute sawijining kang ora naté dibayangake nalikaa isih dadi mahasiswa. Dhèwèké kalebu penyayang kéwan, ngingu kethèk, kate, lan liya-liyané.
Awal April 1997, dhèwèké diwenenhi ula kasil temonan warga ing kebon. Amarga kurang ngati-ati, Arifin dicakot ula nanging ora sadhar manawa dhèwèké keracunan. Nalika ing perdalanan kanthi numapak mobil, awake krasa panas, radhang, lan biru.[3]
Kahanane Arifin kaya mangkono, ibu angkate, Ny Cut pinuju rumah sakit paling cedhak. Nanging, rumah sakit akèh sing nolak kanthi alesan peralatan medis ora memadai. Uga akèh dhokter kang ngandakake manawa umur Arifin kari sepersen. Amarga saking angele golèk pitulungan suwéné 11 jam, kahanane tambah gawat.[3]
Detak jantunge lemah. Arifin banjur digawa menyang RS Saint Carolus (Jakarta Pusat). Alhamdulilah rumah sakite nrima. Arifin langsung digawa ruang ICU. Infus dipasang. Kanggo mbiyantu tugas paru-paru, jantung, lan ati sing wis lemah banget, dhokter nglebokaké selang ing lambene.[3]
Kanthi pitulungan Allah, sawisé sewulan punjul 5 dina, dhèwèké wis metu saka masa kritis. Nanging suarane dadi béda amarga kesuwen dileboni selang.[3]
Nalika masa kritis, dhèwèké éntuk pengalaman spiritual. Ing ngisor alam sadhar, dhèwèké ngrasa ana ing désa sing sepi banget.[3]
Sawisé ngubengi désa, ana sawijining masjid. sajeroning masjid, wis ana 3 shaf jamaah kanthi panganggo sarwa putih. Salah siji jamaah banjur njaluk supaya dhèwèké mimpin zikir, ngelingi Allah.[3]
Esuke dhèwèké ngimpi manèh ana ing satengahing dhesaa kang wargane padah playon amarga ana wong-wong kang dianggep jelmaan setan. Weruh dhèwèké, warga njaluk dhèwèké ngusir setan-setan mau.[3]
Dinane manèh, ngimpine dhèwèké disuwuni tulung déning sawijining bapak kanggo nambani bojone sing kesurupan. Arifin ndang gage, nanging bojone wis mati dhisik sadurungé ditulung. Jalaran impen kabèh mau, Arifin ngukuhaké atine kanggo dadi pengeling manungsa ben ora lali kanggo dzikir.[3]
Kegiatan
[besut | besut sumber]Kegiatan dakwahe dhèwèké ya iku rutin ngisi majlis dzikir ing Jakarta, Bogor, Tangerang lan Dhépok. Kerep diundang ngisi pengajian lan majlis zikir rutin minggon lan wulanan ing omah-omah jama’ahe saka wiwit wong umum nganti pejabat. Dhèwèké uga duwé program ing radio Music City 105.45 FM lan kliling nusantara.[5]
Cathetan suku
[besut | besut sumber]- ↑ a b c d artikel Ust.Arifin Ilham “Rejeki & Dzikir” tanggal 24-09-2008 08:58 Archived 2011-08-10 at the Wayback Machine., diaksés tanggal 14 Agustus 2011.
- ↑ a b Serial Femina K.H. Arifin Ilham (Bagian 6)[pranala mati permanèn], diaksés tanggal 14 Agustus 2011.
- ↑ a b c d e f g h i j k [1] Archived 2011-11-08 at the Wayback Machine., diaksés tanggal 14 Agustus 2011.
- ↑ [2] Archived 2011-08-22 at the Wayback Machine., diaksés tanggal 14 Agustus 2011.
- ↑ [3] Archived 2012-01-18 at the Wayback Machine., diaksés tanggal 14 Agustus 2011.