Misye Arsita

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Misye Arsita
Misye arsita 006.jpg
Lair Misniarti
Pakaryan aktris, penyanyi
Bojo Johannes Andi Irwanto (pegatan)
Agus Leo
Anak Saka bebrayanipun kaliyan Johannes Andi Irwanto:
Benaya Stephen
Saka bebrayanipun kaliyan Agus Leo:
Anggara Sadhana Putra
Angely Agustine Arsita Putri

Misye Arsita (lair ing Kediri, Jawa Wétan, 2 Januari 1964 – pati ing padha, 5 Novèmber 2015 ing umur 51 taun).[1] Nalika lair, Misye Arsita gadhah asma Misniarti.[1] Misye Arsita punika salah satunggaling juru main filem saha penyanyi saking nagara Indonésia.[1] Nalika dados penyanyi, Misye Arsita misuwur kanthi lagu ingkang irah-irahanipun "Dingin Yang".[1] Lagu punika dipunkarang déning komponis Sunu Budiono.[1]

Misye Arsita miwiti karir dados penyanyi dhangdut.[1] Sasampun punika, Misye lajeng akting wonten ing filem-filem.[1] Nalika wiwitan taun 2000, Misye Arsita ndhèrèk makarya wonten ing salah satunggaling adicara tivi ingkang naminipun Kethoprak Humor.[1] Adicara punika dipunbintangi kaliyan para bintang èks Srimulat.[1]

Misye Arsita punika émah-émah kaping kalih.[1] Émah-émahipun ingkang kaping satunggal, Misye palakrami kaliyan tiyang jaler ingkang namanipun Johannes Andi.[1] Misye saha Andi palakrami nalika taun 1984.[1] Sasampunipun punika, Misye saha Andi lajeng pegatan taun 1999.[1]

Sasampunipun punika Misye Arsita lajeng palakrami kanthi siri kaliyan Agus Leo.[2] Misye punika gadhah yuswa ingkang 6 taun langkung sepuh tinimbang Agus.[2] Misye saha Agus palakrami nalika tanggal 25 Maret 1998 wonten ing Jakarta.[2] Pernikahan siri punika salajengipun dipunkepyakaken nalika taun 2000 wonten ing Surabaya.[2]

Misye Arsita punika patutan ingkang cacahipun tiga.[1] Namanipun inggih punika Benaya Stephen, Benaya punika putra saking garwanipun ingkang sepindhahan inggih punika Johannes Andi Irwanto.[1] Putranipun ingkang kaping kalih inggih punika Arjuna Anggara Sadhana Putra saha Angely Agustine Arsita Putri.[3] Kekalihipun menik putra saking Agus Leo.[3]

Cathetan suku[besut | besut sumber]

  1. a b c d e f g h i j k l m n o selebritis.infogue.com(dipunundhuh tanggal 11 September 2011)
  2. a b c d kapanlagi.com(dipunundhuh tanggal 11 September 2011)
  3. a b showbiz.liputan6.com(dipunundhuh tanggal 11 September 2011)