Musdah Mulia

Sti Musdah Mulia

Siti Musdah Mulia utawi ingkang asring dipunsebat Musdah Mulia ingkang miyos wonten ing Bone, Sulawesi Selatan, tanggal 3 Maret 1958; ingkang yuswanipun sak punika 55 taun inggih punika salah satunggaling aktivis tiyang putri, paneliti, konselor, lan panulis ing bidhang keagamaan (Islam) ing Indonésia.

Biografi

Siti Musdah Mulia inggih punika utri pambarep saking pasangan H. Mustamin Abdul Fatah lan Hj. Buaidah Achmad. Ibunipun inggih punika tiyang putri ing desanipun ingkang saged ngrampungaken pendhidhikanipun wonten ing pesantren Darud Dakwah wal Irsyad (DDI), Pare-pare, dene bapakipun nate dados Komandan Batalyon wonten ing Negara Islam ingkang dipunpandhegani dening Abdul Kahar Muzakar ingkang salajengipun misuwur dados gerakan DI/TII ing Sulawesi Selatan. Pendhidhikanipun formalipun dipunwiwiti saking pesantren As'adiyah lajeng piyambakipun nerasaken program S1 jurusan Bahasa dan Sastra Arab ing IAIN Alauddin Makassar, ingkang salajengipun nerasaken program S-2 ing Bidang Sejarah Pemikiran Islam, lan program S-3 ing Bidang Pemikiran Politik Islam, ingkang kekalihipun dipunpendhet ing program Pascasarjana UIN Jakarta. Kejawi sinau ing pendhidhikan formal, Musdah Mulia ugi sampun nate ndherek kathah pendhidhikan non formal, kados ta kursus ingkang namung cekak wekdalipun ing Democracy and Civil Society ing Melbourne, Australia (1998); Kursus Singkat Pendidikan HAM ing Universitas Chulalongkorn, Thailand (2000); Kursus Singkat Advokasi Penegakan HAM dan Demokrasi (International Visitor Program) ing Amerika Serikat (2000); Kursus Singkat Manajemen Pendidikan dan Kepemimpinan ing Universitas George Mason, Virginia, Amerika Serikat (2001); Pelatih HAM ing Universitas Lund, Swedia (2001); Manajemen Kepemimpinan Perempuan ing Bangladesh Institute of Administration and Management (BIAM), Dhaka, Bangladesh (2002).

Padamelanipun

Ing taun 1985, Siti Musdah Mulia sampun wiwit makarya dados Dosen Luar Biasa ing IAIN Alauddin lan ing Universitas Muslim Indonesia, Makassar, kejawi piyambakipun ugi dados panaliti wonten ing Balai PEnelitian Lektur Agama, Makassar. Lajeng wiwit taun 1990, piyambakipun pindhah dhateng Jakarta dados panaliti ing Balitbang Departemen Agama Pusat, lan dados dosen ing saperangan kampus, kados ra ing Institut Ilmu-Ilmu Al-Quran lan ing Program Pascasarjana UIN Jakarta. Musdah ugi sampun nate dados Kepala Balai Penelitian Agama dan Kemasyarakatan Departemen Agama; Staf Ahli Menteri Negara Urusan Hak Asasi Manusia, Bidang Pencegahan Diskriminasi dan Perlindungan Minoritas, Anggota Tim Ahli Menteri Tenaga Kerja RI; lan sak punika Staf Ahli Menteri Agama, Bidang Hubungan Organisasi Keagamaan Internasional. Musdah ugi asring dados pamedhar sabda ing kathah seminar, saking ingkang dipunadani ing lebet negeri ngantos ing manca nagari.

Asiling Karya

Masdah Mulia ugi nyerat kathah makalah lan buku. Tuladha bukunipun ingkang sampun kasebar kanthi wiyar ing nagari- nagari Islam, kados ta Pemikiran Politik Haikal (Paramadina, 2001) Islam Menggugat Poligami ( Gramedia, 2004); Kesetaraan dan Keadilan Gender dalam Perspektif Islam (2001) lan Muslimah Reformis: Perempuan Pembaru Keagamaan (Mizan, 2005). Tuladha karya tulisipun inggih kados mekaten: Mufradat Arab Populer (1980); Pangkal Penguasaan Bahasa Arab (1989); Sejarah dan Pengantar Ilmu Hadis (1995); Sejarah dan Pengantar Ilmu Tafsir (1995); Negara Islam: Pemikiran Politik Haikal, Paramadina, Jakarta (1997); Lektur Agama Dalam Media Massa, Dep. Agama (1999); Anotasi Buku Islam Kontemporer, Dep. Agama (2000); Islam Menggugat Poligami, Gramedia, Jakarta (2000); Kesetaraan dan Keadilan Gender (Perspektif Islam), LKAJ (2001); Pedoman Dakwah Muballighat, KP-MDI (2000); Analisis Kebijakan Publik, Muslimat NU (2002); Meretas Jalan Awal Hidup Manusia: Modul Pelatihan Konselor Hak-Hak Reproduksi, LKAJ (2002); Seluk-Beluk Ibadah Dalam Islam, As-Sakinah, Jakarta (2002); Muslimah Reformis: Perempuan Pembaru keagamaan, Mizan, Bandung (2005); dan Perempuan dan Politik, Gramedia, Jakarta (2005). Islam and Violence Against Women, LKAJ, Jakarta, 2006, Islam dan Inspirasi Kesetaraan Gender, Kibar Press, Yogyakarta (2007) ; Poligami : Budaya Bisu yang Merendahkan Martabat Perempuan, Kibar, Yogyakarta (2007).Menuju Kemandirian Politik Perempuan, Kibar, Yogyakarta (2008). Islam dan HAM, Naufan, Yogyakarta, 2010. Musdah ugi nyerat kathah entri ing Ensiklopedi Islam (1993), Ensiklopedi Hukum Islam (1997), dan Ensiklopedi Al-Qur`an (2000), saha manéka warna artikel ingkang dipunandharaken ing forum ilmiah ing njawi negari saha ing manca nagari.