Agama

Agama iku sistem utawa prinsip kapercayan marang sang Gusti Pangeran, utawa uga diarani nganggo asma liyane kaya ta; Gusti Allah, Dewa, Sang Hyang Widi, lan sabanjure. Agama uga ajaran-ajaran kabakten lan kuwajiban-kuwajiban sing ana gandheng cenenge karo kapercayan iku.

Tembung "agama" asale saka basa Sansekerta sing tegese "tradisi". Banjur tembung liyane iku religi sing asale saka basa Latin lan dhasare saka tembung verba "re-ligare". Iki tegese "naleni maneh". Karepe sawijining wong sing nduwe agama iku naleni awake karo sang Pangeran.

Neng Tanah Jawa lan uga Indonesia, ana limang agama sing paling akeh penganute, yakuwi: agama Islam, Kristen Protestan lan Katholik, Hindu, Ayyavali lan Buddha. Nanging neng Tanah Jawa uga ora sithik sing menganut agama Jawa utawa biasane diarani Kejawen. Agama iki lahir saka pemikiran asli wong jawa nanging ugo ana pengaruhe saka prinsip-prinsip ajaran Hindu lan Buddha.

Saliyane iku wong-wong sing katurunan Tionghoa ya akeh sing nganut ajaran Konghucu utawa Konfusianisme. Panganut agama Yahudi ing tanah Jawa uga ana, senadyan mung sithik cacahe. Semono ugo ana wong-wong sing ora percaya karo salah sijining agama babar pisan. Golongan sing kaya mangkene biyasane diarani atheis, nanging sejatine durung mesthi atheis merga ana wong sing ora percaya agama nanging percaya karo Gusti Allah utawa Hyang Widi.

Pirsani uga

• Alkitab
• Daftar Agama
• Omah ibadah
• Daftar kitab suci
• Daftar dina riyaya