Melanie Putria Dewita Sari

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Melanie Putria Dewita Sari
Melanie Putria.jpg
PakaryanAktris
Taun aktif2004-sapunika

Melanie Putria Dewita Sari (miyos 17 April 1982) inggh punika wakil saking Sumatra Kilèn ingkang kapilih dados Puteri Indonesia 2002.[1] Kanthi kontrakipun minangka Putri Indonésia, Melanie dados sibuk ndhèrèk kagiyatan sosial kanggé laré lan panandhang HIV/AIDS.[1] Panjenengnipun kaliyan Miss Universe Oxana Fedorova naté tindak dhateng Candhi Borobudur Jawa Tengah saperlu gawontenaken misi kabudayan.[1] Panjenenganipun punika laré pungkasan saking pasangan Habibuddin lan Nelwetis.[1]

Sasampunipun dados Puteri Indonésia, Melanie lajeng nyobi kariér ing filem.[1] Debut filem ingkang sepisanan Melanie inggih punika ing filem Tak Biyasa (2004), ingkang nalika samanten akting sareng kaliyan Duta Sheila On Seven, lan dipunrilis tanggal 24 Juni 2004.[1] Salajengipun Melanie akting ing filem Cinta Silver (2005).[1] Ing filem punika Melanie akting sareng kaliyan aktris Luna Maya.[1] Salajengipun ing filem Kejar Jakarta (2005), lan ndhèrèk main ing filem Ayat-Ayat Cinta (2008) ingkang dipunsutradarani Hanung Bramantyo.[1] Sasanèsipun punika, tilas kontestan Asia Bagus1999 punika ugi main ing sinétron Keajaiban Cinta.[1]

Boten namung akting, Melanie ugi gadhah bakat nyanyi.[1] Sareng kaliyan Intan Nuraini lan Revalina S Temat, Melanie ndhèrèk nyumbangaken swantenipun ing album komplikasi religi kanthi irah-irahan Sang Penciptaku, ing lagu Taqwa.[1] Album punika dipunrilis nalika wulan Ramelan 2008.[1]

Melanie Putria gadhah garwa ingkang namanipun Angga salah satunggalipun anggota grup Malik D'Esensial, lan patutan satunggal.[2]

Pranala njawi[besut | besut sumber]

Melanie Putria

Cathetan suku[besut | besut sumber]

  1. a b c d e f g h i j k l m Melanie Putria dipunundhuh tanggal 22 September 2011)
  2. Pengalaman Melanie Putria Melahirkan dipunundhuh tanggal 22 September 2011)