Jakatuwa

Saka Wikipédia Jawa, bauwarna mardika basa Jawa
(Kaelih saka Manuk Kakatua)

Jakatuwa (suku Cacatuidae) kalebu jinis manuk hias kang nduwéni wulu kang éndah.[1] Jakatuwa nduwéni swara lengkingan swara kang banter.[1] Spesiés iki salah sijiné manuk kang pinter lan apik.[1] Manuk iki kerep digunakaké ing acara-acara hiburan ing kebon raja lan ing panggonan hiburan liyané.[1]

Spesies iki urip ing panggonan kang dhuwuré 0-1520 mèter saka lumah laut.[1] Jakatuwa lumrahé urip klompokan.[1] Jakatuwa nduwéni umur kang dawa kurang luwih nganti 60 taun luwih.[1]

Jinis[besut | besut sumber]

Jinis Jakatuwa-kecil Jambul-kuning (basa Inggris: Yellow-crested Cockatoo) lumrahé urip pasang-pasangan utawa klompokan kang cacahé luwih cilik.[1] Jakatuwa nduwéni elar kang kuwat nalika mabur, saéngga bisa mabur kanthi rikat.[1] Yèn mabur uga diselingi obahan nglayang lan ngocéh.[1] Nalika lagi ngoceh saka panggonané menclok, manuk jakatuwa bakal ngedegaké jambulé banjur dimudhunaké manèh.[1] Jakatuwa kalebu manuk kang langka awit diburu manungsa lan didadèkaké manuk hias lan diingoni.[1]

Habitat[besut | besut sumber]

Jakatuwa urip ing alas primer lan sekunder kang dhuwuré lan ing pinggir alas, jakatuwa uga urip ing alas monsun Nusa Tenggara, alas kang dhuwur lan akèh semak-semak kang wité jarang.[2] Saka lumah sagara nganti panggonan kang dhuwuré 900 m ing (Sulawési), 1520 m (Lombok), 1000 m (Sumbawa), 700 m (Flores), 950+ m (Sumba) lan 500+ m (Timor).[2] Déné manuk Jakatuwa Maluku (basa Inggris: Salmon-crested Cockatoo) lumrahé urip dhéwé, manuk jinis pasangan lan ing golongan cilik.[2] Manuk jinis iki turu ing wit nganti cacahé 16 manuk.[2] Sanajan katon mabur ing sandhuwuré kanopi nanging akèh-akéhé mabur ing sangisoré kanopi.[2] Jakatuwa luru mangan lan nduwéni sebaran habitat ing tlatah Seram, Ambon, Haruku lan Saparua.[2] Jakatuwa manggon ing alas primer lan sekunder kang dhuwur, alas kang rusak lan urip ing sandhuwuré sagara nganti dhuwuré 1000 m.[2]

Cathetan suku[besut | besut sumber]

  1. a b c d e f g h i j k l elibrary.unm.edu[pranala mati permanèn](dipunundhuh tanggal 19 Juni 2011)
  2. a b c d e f g of Zoological Nomenclature|pages=66–67 biodiversitylibrary.org(dipunundhuh tanggal 19 Juni 2011)