Manteb Soedharsono

Saka Wikipédia Jawa, bauwarna mardika basa Jawa
(Kaelih saka Manteb Sudarsono)
Loncat ke navigasi Loncat ke pencarian
Ki Manteb Soedharsono
Wayang Performance.jpg
Pagelaran wayang kulit Ki Manteb Soedharsono, lakoné Gathotkaca Winisuda (Juli 2010).
Lair 1948
Indonésia Sukaharja, Jawa Tengah, Indonésia
Pakaryan Dhalang

Ki Manteb Soédharsono (lair: Sukaharja, 1948) iku dhalang wayang kulit kondhang saka Jawa Tengah. Amarga kaprigelane mainaké wayang, Manteb Soédharsono banjur dijuluki déning para penggemaré minangka Dhalang Setan. Manteb Soédharsono uga dianggep pelopor perpaduan kagunan padhalangan karo peralatan musik modhèren.

Wektu iki Ki Manteb manggon ing Dusun Sekiteran, Kalurahan Dhoplang, Kacamatan Karangpandan, Kabupatèn Karanganyar, Jawa Tengah.

Jaman Enom[besut | besut sumber]

Manteb Soedharsono iku putra dhalang uga, sing asmané Ki Hardjo Brahim. Manteb Soedharsono dilairaké ing désa Jatimalang, Kalurahan Palur, Kacamatan Majalaban, Kabupatèn Sukaharja, Jawa Tengah, tanggal 31 Agustus 1948.

Ki Hardjo Brahim iku seniman tulen sing ora duwé pagawéan liya kajaba ndhalang. Manteb minangka putra pambarep digulawenthah supaya bisa dadi dhalang tulèn kaya awaké. Ki Hardjo kerep ngajak Manteb mèlu ndhalang.

Déné, ibu Manteb sing uga seniman, penabuh gamelan,luwih seneng putrané itu duwé pagawéyan liya. iku sebab musababé, Manteb disekolahaké ing STM Manahan, Sala. Ananging wiwit ciik Manteb wis laris minangka dhalang satemah sekolahé dadi ora keurus. Pungkasané, Dhèwèké miih mandheg sekolah kanggo sinau luwih ajeg babagan kaprigelan ndhalang.

Pranala njaba[besut | besut sumber]

Réferènsi[besut | besut sumber]

  • Seno Subro & Komar Abbas. 1994. Ki Manteb Dhalang Setan. Surakarta: Yayasan Resi Tujuh Satu