Lepus
| LEPUS | |
|---|---|
 | |
| Cekakan | Lep |
| Genitif | Leporis |
| Asensio rekta | 6 |
| Deklinasi | −20 |
| Area | 290 derajad pesagi (#51st) |
| Lintang utama | 8 |
| Lintang Bayer/Flamsteed | 20 |
| Lintang mawa planèt | 3 |
| Lintang padhang | 2 |
| Lintang cedhak | 3 |
| Lintang paling padhang | α Lep (Arneb) (2.58m) |
| Lintang paling cedhak | Gliese 229 ( tc) |
| Obyèk Messier | 1 |
| Udan météor | None |
| Rasi lintang sing wewatesan | Orion Monoceros Canis Major Columba Caelum Eridanus |
| Katon antara lintang +63° lan −90°. Katon paling cetha ing wektu 21.00 jroning sasi January. ' | |
Lepus (/[unsupported input]ˈliːpəs/, colloquially /ˈlɛpəs/) inggih punika salah satunggaling rasi lintang ingkang mapan wonten ing belahan langit sisih kidul, ingkang mapan ing sak kiduling garis langit khatulistiwa. Ing basa Latin, lepus gadhah teges "truwelu". Rasi lintang Lupus punika dipuntepangaken sepisanan déning astronom Yunani inggih punika Ptolemy wonten ing abad kaping kalih lan kalebet 88 rasi lintang ingkang dipunakeni déning International Astronomical Union. Lepus inggih punika gambaran saking truwelu ingkang dipuncekel déning pemburu, ingkang dipungambaraken déning rasi lintang Orion, lan kirikipun ingkang dipungambaraken déning rasi lintang Canis Major lan Canis Minor. Rasi lintang punika mapan wonten ing sak ngandhaping rasi lintang orion.[1] Rasi lintang punika kedahipun saged dipunbédakaken kaliyan rasi lintang Lupus, inggih punika srigal.[2]
Sajarah
[besut | besut sumber]Lepus inggih sapérangan ageng nggmbaraken truwelu ingkang dipunburu déning Orion, ingkang ugi mburu waung ingkang dipungambaraken déning rasi lintang Canis Major lan Canis Minor. Rasi lintang punika ugi dipungayutaken kaliyan mitos lunar, mliginipun wulan ingkang kadya truwelu.[3]
Sekawan lintang ing rasi lintang punika (α, β, γ, δ Lep) lan dipunmangertosi ugi minagka ‘Arsh al-Jawzā', "the Throne of Jawzā'" utawi Kursiyy al-Jawzā' al-Mu'akhkhar, "the Hindmost Chair of Jawzā'" lan al-Nihāl, "the Camels Quenching Their Thirst" ing basa Arab.
Lintang-lintang
[besut | besut sumber]Rasi lintang Lepus gadhah laladan ingkang ambanipun kirang langkung 290 drajat persegi lan ngewrat satunggal lintang ingkang dipunmangertosi minangka planit-planit. Rasi lintang Lepus saged dipuntingali wonten ing garis lintang ing antawisipun +63° lan-90° lan badhé katingal saé dipuntingali ing jam 9 dalu ing salebeting sasi Januari. Déné lintang-lintang ingkang wonten ing rasi lintang Leus ing antawisipun inggih punika:
- Alpha Leporis, inggih punika lintang ingkang padhang piyambak wontan ing rasi lintang Lepus, ingkang ugi dipunsebat Arneb. Punika kalebet lintang ingkang tuwa, lan sampun sekarat saé punika saking ekspansi dhateng supergiant lan ukuranipun langkung ageng saking srengéngé ping sedasa. Alpha Leporis gadhah magnitudo 2,6 ingkang tebihipun 1.300 taun cahya saking bumi.
- Beta Leporis utawi Nihal (onta), inggih punika lintang ingkang padhang piyambak nomer kalih ing Lepus, ingkang punika kalebet raksasa padhang ingkang tebihipun kirang langkung 159 taun cahya. Beta Leporis gadhah magnitudo 2,8.
- Gamma Leporis ingkang tebihipun kirang langkung 29 taun cahya, inggih punika sistem multiple lintang.[3]
- R Leporis, utawi ugi kasebat Hind’s Crimson Star, inggih punika kalebet jinis karbon lintang abrit ingkang mapan wonten ing watesanipun antawisipun Lepus lan Eridanus.
- Zeta Leporis inggih punika pérangan lintang ingkang pethak ingkang dipunmangertosi minangka sabuk asteroid.
Lepus inggih ugi taksih kalebet wonten ing kulawarga rasi lintang Orion sesarengan kaliyan rasi lintang Orion, Canis Major, Canis Minor, lan Monoceros.[4] Déné rasi lintang ingkang wonten ing sakiteripun Lepus inggih punika rasi lintang Orion, Eridanus, Monoceros, Canis Major, Columba lan Caelum.
Cathetan suku
[besut | besut sumber]- ↑ "Skys & Telescope: March 2008", Southern Hemisphere Highlights: by Shermend
- ↑ The Deep Photographic Guide to the Constellations: Lepus
- ↑ a b Ridpath & Tirion 2001, kc. 170–171.
- ↑ Lepus Archived 2012-03-06 at the Wayback Machine.(dipunundhuh tanggal 17 Pebruari 2013)