Lasagna

Lasagne verdi ing sadhuwuring piring

Lasagna utawa Lasagne iku jinis pasta kang dimasak kanthi cara dipanggang sajeroning oven lan dadi panganan tradhisional ing Italia. Lasagna miturut barès ya iku lasagne kang isiné daging. Lasagna bisa diisi karo isi liyané kang akèh, kaya ta daging, jejanganan, daging pitik, panganan saka sagara lsp. miturut selerane dhéwé-dhéwé. Kulit lasagna kagawé saka adonan tepung terigu kang wis diwènèhi isi, banjur dipanggang nganti tekan mateng.

Lasagna asring disajèkaké sajeroning balok lapisan keju, saus, lan ug asring diwènèhi tambahan bahan-bahan, kaya saus, daging, utawa janganan. Khas masakan punjer Italia, variasi regional kang ana. Ing pirang-pirang laladan, apa manèh ing laladan sakidule Italia, saus kang dienggo ketoke saus tomat prasaja dan Ragu, déné ing panggonan liyané, apa manèh ing Italia pérangan lor, diwènèhi saus Bechamel kang akèh banget. Lasagna wis dadi panganan kang misuwur ing sakupenging donya, lelampahan saka Éropah menyang Amérika.

Sajarah pesthine babagan pasta lan kepriyé carané lasagna digawé wis ilang dadi legenda purbakala. Mung bisa dinyana-nyana pasta tinemu déning masarakat Mediterania sawisé dhèwèké nemu tèhnik nggiling gandum dadi tepung. Pirang-pirang sejarawan duwé pamikiran yèn jeneng lasagna asalé saka basa Yunani, lasanon kang tegesé wadhah sajeroning kamar. Wong Romawi njupuk tembung iku kanggo hidangan kang disajekake ing wadhah. Dadi, Lasagna iku tegesé panganan kang disajekake wadhah kang jenenge lasanum.