Kuntowijoyo

Saka Wikipédia Jawa, bauwarna bébas abasa Jawa
Kuntowijoyo
Kuntowijoyo.jpg
Pakarya Sastrawan, Sejarawan, Dosen
Bangsa Indonésia
Warga nagara Yogyakarta
Subyèk Cerpen, Sajarah
Bebungah utama Majelis Sastra Asia Tenggara

Prof. Dr. Kuntowijoyo (ugi saged kaserat Kuntowidjojo ingkang miyos wonten ing Sanden, Bantul, Yogyakarta, 18 September 1943 lan séda ing tanggal 22 Fèbruari 2005 inggih minangka salah satunggaling sastrawan, budayawan, saha sejarawan Indonésia ingkang misuwur.[1]

Biografi[besut | besut sumber]

Kuntowijoyo ngrampunaen pendhidhikan formal wonten ing Madrasah Ibtidaiyah ing Ngawonggo, Klaten. Lajeng piyambakipun nerasaken sekolah SMP ing Klaten, saha nerasaken SMA ing Sala, saderengipun lulus sarjana Sajarah wonten ing Univeritas Gadjah Mada ing taun 1969. Piyambakipun pikantuk gelar MA American History saking Universitas Connecticut, Amérika Sarékat ing taun 1974,saha Ph.D Ilmu Sajarah saking Universitas Columbia ing taun 1980. Piyambakipun lajeng mucal dadosdosen ing Fakultas Sastra Universitas Gadjah Mada saha ingkang pungkasan ing gesangipun, piyambakipun dados Guru Besar Fakultas Ilmu Budaya, saha dados panaliti senior ing Pusat Studi dan Penelitian Kependudukan Universitas Gadjah Mada, Yogyakarta.[2] Kuntoijoyo séda amargi gadhah penyait komplikasi kados ta sesek napas, diare, saha ginjal ingkang dipunjalari amargi sampun pinten-pinten taun kénging serangan virus meningo enchephalitis. Piyambakipun nilar satunggal garwa saha kalih putra.

Asiling Karya[besut | besut sumber]

Kuntowijaya wiwitan nyerat carita pendek, drama, esai, saha roman wiwit sekolah SMA. Lajeng nembé nalika piyambakipun kuliah ing Amérika Sarékat, piyambakipun saged nyerat sajak, saha kalih kempalan puisi kanthi irah – irahan Isyarat (1976) saha Suluk Awang Uwung (1976).[3] Cerkakipun kapacak wonten ing majalah ''Horison'', harian ''Kompas'', saha kapilih dados carkak paling saé harian Kompas, inggih punika Laki-laki yang Kawin dengan Peri (1994), Sampan Asmara saha Pistol Bedhamèn (1995). Seratanipun ingkang arupi esai ugi kathah ingkang kapacak wonten ing koran.

  • Kereta yang Berangkat Pagi Hari novèl (1966)
  • Rumput Danau Bento drama (1969) pikantuk Bebungah Harapan Sayembara Penulisan Lakon Badan Pembina Teater Nasional Indonésia taun 1976
  • Tidak Ada Waktu Bagi Nyonya Fatma drama (1972)
  • Barda dan Cartas drama (1972)
  • Topeng Kayu drama (1973)
  • Khotbah di Atas Bukit novèl (1976)
  • Impian Amérika novèl (1998)
  • Hampir Sebuah Subversi kumpulan carkak (1999)

Penghargaan[besut | besut sumber]

Sapérangan penghargaan ingkang sampun naté dipuntampi inggih saking carkak Dilarang Mencintai Bunga-Bunga dramanipun ingkang irah-irahanipun Tidak Ada Waktu bagi Nyonya Fatma, Barda dan Cartas (1972) saha Topeng Kayu pikantuk jawara wonten ing sayembara Penulisan Lakon Dewan Kesenian Jakarta 1972 saha 1973, inggih punika Bebungah Harapan saha Bebungah Kedua. Novelipun Pasar pikantuk bebungah wonten ing Sayembara Mengarang Roman Panitian Tahun Buku Internasional DKI 1972 (terbit dados buku taun 1994). Taun 1986 piyambakipun pikantuk bebungah Seni saking Pamaréntah Daerah Istimewa Yogyakarta. Tahun 1999 piyambakipun nampi SEA Write Award dari karajan Thailand. [4] Piyambakipun ugi pikantuk penghrgaan saking Pusat Pembinaan dan Pengembangan Basa Indonésia (1999), saha Majelis Sastra Asia Tenggara (Mastera) saking novèl Mantra Penjinak Ular (2001).[5]

Cathetan suku[besut | besut sumber]

  1. ^ Biografi Kuntowijoyo, dipunundhuh tanggal 21 Januari 2013)
  2. ^ Profil di Tokoh Indonésia Kuntowijoyo (dipunundhuh tanggal 21 Januari 2013)
  3. ^ Rosidi, Ajip. Laut Biru Langit Biru. Pustaka Jaya, 1977, Jakarta. Kaca 543
  4. ^ Buku Pintar Sastra Indonésia. Jakarta: Penerbit Buku Kompas. 2001. ISBN 9799251788.  Paramèter |Penyunting= sing ora kawruhan dikiwakaké (pitulung) kaca 128
  5. ^ Rampan, Korrie. Leksikon Sastra Indonésia. Balai Pustaka, 2000, Jakarta. kaca 251