Menyang kontèn

Kuburan kéwan

Saka Wikipédia Jawa, bauwarna mardika basa Jawa
Gapura marang Kuburan kéwan klangenan Hartsdale ing Hartsdale, New York

Kuburan kéwan ya kuwi kuburan kanggo kéwan. Senadyan pamumulé lan ngubur kéwan klangenan wis dipraktèkaké wiwit jaman kuna, kuburan sing kusus kanggo kéwan ora lumrah nganti pungkasan abad kaping-19.

Sajarah

[besut | besut sumber]
Kucing sing dimumifikasi ing the Louvre

Akèh kabudayan manungsa ngubur jisiming kéwan. Contoné wong Mesir Kuna mumifikasi lan ngubur kucing, sing dianggep déwata; salah sijiné kuburan kéwan lawas dhéwé iku kuburan kéwan Berenice, sing mliginé dienggo ngubur kucing, lan ditemokaké nalika èkskavasi plabuhan Berenice Troglodytica ing taun 2011 lan dienggo antara abad kapisan lan kapindho Masèhi.[1] Para arkéolog nemokaké menawa asu dikubur ing sandhingé manungsa ing Sibéria nganti sakiwa tengené 8.000 taun kapungkur.[2] Kuburan asu Ashkelon, iku kuburan kéwan klangenan sing dikawruhi lan gedhé dhéwé. Kuburan iki ditemokaké ing Taman Nasional Ashkelon, Ashkelon, Israèl.[3]

Hiran Minar cedhak Lahore, Pakistan iku menara mesjid sing dibangun ing sakiwa tengené taun 1606 Masèhi déning Maharaja Mughal Jahangir kanggo memulèni antilop kéwan klangenané sing ajeneng Mansraj.[4]

Taman Hyde Park ing Kutha London iku manten situs kuburan kéwan klangenan ora resmi antara taun 1881 lan 1903, ing kebon juru kunci taman iki.[5] Saka olèhé ngubur "Cherry" nganti ditutup resmi ing taun 1903, kuburan iki nampa 300 kéwan sing dipendhem mawa kijing miniatur,[6] karo panguburan kusus asu maskot Angkatan Laut Krajan Britani "Prince" ing taun 1967.[7]

Cimetière des Chiens (Kuburan para asu)

Cimetière des Chiens ing Asnières-sur-Seine, Paris, saka taun 1899, iku sawijining kuburan kéwan klangenan sing mirunggan lan inukir. Kuburan iki dianggep salah sijiné nékropolis kéwan umum kapisan saindhenging donya.[8]

Kuburan kéwan Amérika Sarékat sing gedhé lan lawas dhéwé iku Kuburan Kéwan Hartsdale ing Hartsdale, New York. Kuburan iki asalé saka taun 1896, nalika ada dhokter kéwan sing nyambut gawé saka Manhattan ngolèhaké wong wadon sing ndarbèni asu ngubur asuné ing kebon apèlé ing jènging wukiré. Saiki papan iki dadi kuburan kanggo 80.000 kéwan, kalebu kéwan misuwur kayata kucingé Mariah Carey ajeneng Clarence lan Ming si macan.[9][10] Situs kapratélakaké ing Pratélan Nasional Amérika Sarékat ngenani Papan Historis ing taun 2012.[11] Sawetara kuburan kéwan Amérika liyané sing misuwur ikut kalebu Aspin Hill Memorial Park ing Silver Spring, Maryland, papan iki diduga sing lawas dhéwé kapindho ing Amérika Sarékat,[12][13] karo kuburan kéwan ing Calabasas, California, ing ngendi jarané Hopalong Cassidy sing jenengé Topper, asuné Steven Spielberg sing ajinis Jack Russell Terrier, lan asuné Rudolph Valentino sing nduwé jeneng Kabar, dipendhem.[14]

Dikubur karo manungsa

[besut | besut sumber]

Ing sawatara kuburan, kayata Aspin Hill Memorial Park,[15] jisim manungsa lan kéwan bisa dikubur bebarengan. Ing Januari 2010, Rad Dhestrik West Lindsey mènèhi idin kanggo situs ing désa Stainton by Langworth kanggo mendhem jisim kéwan bebarengan karo kéwan minangka bagéan saka situs "kurburan ijo", lan ndadèkaké situs iki kapisan ing Inggris, ing ngendi kéwan klangen bisa dipendhem bebarengan karo sing ndarbèni.[16] Ing taun 2011, Nagara bagéan New York resmi ngadhopsi kawicaksanan sing ngolèhaké wong dikubur ing kuburan kéwan, nanging kuburan kéwan iku ora olèh ngiklanaké utawa njaluk béa panguburan.[9]

Gladri

[besut | besut sumber]

Asia

[besut | besut sumber]

Éropa

[besut | besut sumber]

Amérika Lor

[besut | besut sumber]

Oséaniya

[besut | besut sumber]

Réferènsi

[besut | besut sumber]
  1. ↑ Grimm, David (26 February 2021). "Graves of nearly 600 cats and dogs in ancient Egypt may be world's oldest pet cemetery". Science. Dibukak ing 28 July 2023.
  2. ↑ "Siberia's Ancient Dog Burials". Archaeology. Archaeological Institute of America. March 3, 2016. Dibukak ing 28 July 2023.
  3. ↑ Stager, Lawrence E. (May–June 1991). "Why were hundreds of dogs buried at Ashkelon". bib-arch.org. Dibukak ing December 29, 2020.
  4. ↑ "Hiran Minar". Tourism, Archaeology and Museums Department, Government of the Punjab. Dibukak ing 28 July 2023.
  5. ↑ "The Victorian Pet Cemetery of Hyde Park". Fun London Tours. 10 July 2018. Diarsip saka sing asli ing 19 March 2017. Dibukak ing 23 July 2019.
  6. ↑ "The Pet Cemetery of Hyde Park". London Insight Blog. 6 October 2010.
  7. ↑ "Hyde Park Pet Cemetery". London 365. 11 November 2012.
  8. ↑ A tour of Parisian pet cemetery Cimetière des Chiens Archived 22 February 2012 at the Wayback Machine.
  9. ↑ a b Keh, Andrew (January 7, 2024). "Who Was the Mysterious Woman Buried Alone at the Pet Cemetery?". The New York Times.
  10. ↑ "Apple orchard that became New York's famous Hartsdale Pet Cemetery".
  11. ↑ "National Register of Historic Places Listings". Weekly List of Actions Taken on Properties: 8/13/12 through 8/17/12. National Park Service. 2012-08-24. Diarsip saka sing asli ing 2014-08-11. Dibukak ing 2019-07-23.
  12. ↑ Blitz, Matt (December 11, 2015). "55,000 Pets—and 30 People—Are Buried in Silver Spring's Aspin Hill Memorial Park". Washingtonian. Dibukak ing 28 July 2023.
  13. ↑ Kelly, John (September 3, 2019). "More than 50,000 animals are buried in this cemetery". The Washington Post. Dibukak ing 28 July 2023.
  14. ↑ "Grave of a Petey, Little Rascals Dog". Roadside America. Dibukak ing 15 June 2016.
  15. ↑ "Grave of a Petey, Little Rascals Dog". Roadside America. Dibukak ing 15 June 2016.
  16. ↑ "Pet lovers can be buried with their animals". Sunday Express. Dibukak ing 25 January 2010.

Delengen uga

[besut | besut sumber]

Pranala njaba

[besut | besut sumber]
Dijupuk saka "https://jv.wikipedia.org/w/index.php?title=Kuburan_kéwan&oldid=1713044"