Kebon Botani Bogotá

Kebon Botani Bogotá
Informasi Umum
Panggon	Bogotá, Kolombia
Koordinat	4°40′4.8″N 74°5′52.8″W
Taun madeg	-
Dioperasiaké	Pamaréntah Bogotá
Status	Bukak sak teruse Senin-Jemuwah: 0800 – 17:00 Setu, Minggu, dina prei:09:00 – 17:00

Kebun Botani Bogotá, sing uga ditepungi kanthi jeneng Kebun Botani José Celestino Mutis (Spanyol: ''Jardin Botánico de Bogotá''), iku kebon botani sing gedhé dhéwé sing ana ing nagara Kolombia, sing persis-é ana ing kutha Bogotá. Kebon iki duwé omah kaca sing nyimpen sawenèh tuwuhan saka kabèh tlatah Kolombia, sing saka dhataran dhuwur utawa dataran endhèk. Koleksiné sing misuwur ya iku kumpulan kembang-kembang saka tlatah Amazon lan Palma de cera, uwit nasional Kolombia. Kolèksi-kolèksi liyané ya iku AmazonianVictoria Regia waterlily, Magnolia, Oak lan Pine.

Kebon iki, sing dikelola déning papréntahan Bogotá, uga duwé grojogan tiron lan laboratorium kanggo panilitèn tetuwuhan lan kembang-kembangaan. Saliyané iku, kebon iki uga nyedhiakaké sapérangan fasilitas umum, kaya déné pabukon lan méja informasi kanggo para wisatawan. Kebon iki dibukak kanggo umum saka jam 08:00 nganti jam 17:00, dina Senin nganti Jemuah. Yèn dina Setu, Minggu lan dina-dina prèi liyané, dibukak saka jam 09:00 nganti jam 17:00.

Pranala njaba

• (ing basa Spanyol) Situs resminya Archived 2008-05-16 at the Wayback Machine.
• Informasine ing Basa Inggris