Kastil Neuschwanstein

Saka Wikipédia Jawa, bauwarna bébas abasa Jawa
Kastil Neuschwanstein
Pratélan lumrah
Gagrag yeyasan Romanesque Revival
Padunung Schwangau, Jerman
Diwiwiti 5 September 1869
Rampung c. 1892 (unfinished)
Rancangan lan payasa
Sing nduwé Bavarian Palace Department
Juru yasa Eduard Riedel
Insinyur sipil Eduard Riedel, Georg von Dollmann, Julius Hofmann
Juru rancang liya Ludwig II, Christian Jank

Kastil Neuschwanstein punika satunggaling kastil ingkang wonten ing dhusun Hohenschwangau (Schwangau) boten tebih kaliyan kutha Füssen lan sisih kidul-kilènipun Bayern, Jerman. Kastil punika dipunsebat mèmper kadhaton Disneyland.[1]. Kastil punika satunggal saking tiga astana kerajaan ingkang dipunbangun kanggé Louis II saking Bavaria. Kastil ingkang ugi kadang dipunwastani Mad King Ludwig punika astana kerajaan ing Pagunungan Alpen Bavaria Jerman punika dipunbangun nalika taun 1869 saking paréntah Raja Ludwig II. Ananging dumugi nalika sédanipun Louis taun 1886 bangunan punika dèrèng rampung [2].

Raja Ludwig punika pengagum komposer donya ingkang kawéntar, ya iku Richard Wagner. Kastil Neuschwanstein dipunbangun ugi minangka pakurmatan saéngga kathah kamar wonten ing dalem kastil ingkang kailhami karakter Wagner. Wonten ing lantai bangunan punika nggambaraken remening Ludwig dhateng sadaya opera karya Wagner[2].

Kasti ingkang kabangun nalika abad 19 punika kados astana ing negeri dongeng punika dipunjangkepi kaliyan teknologi lan seni kala jaman kasebut. Tuladhanipun saben kastil wonten toilet kanthi sistem mbilas otomatis saha sistem pemanas udara. Sapunika saben taun langkung saking 1,3 juta tiyang ingkang dugi wonten papan punika [2].

Wiwitanipun kastil punika gadhah nama Kastil New Hohenschwangau, ananging bibar Raja Ludwig tilar donya nalika taun 1886 lajeng nama kastil punika dipungantos dados Kastil Neuschwanstein.[3] Nalika abad kaping 19, Kastil Neuschwanstein punika dados papan anggènipun masarakat Bavaria nyambut damel kanthi sengkut.

Sanajan para wisatawan ingkang dugi punika boten kenging motret utawi mendhet gambar interior Kastil Neuschwanstein, ananging kastil punika tansah dados tujuan utama pariwisata déning turis-turis saking mancanagara. Sadèrèngipun, Raja Ludwig boten paring ijin dhumateng para tiyang ingkang dugi ing papan punika, ananging bibar Raja Ludwig tilar donya ing taun 1886 bangunan Kastil Neuschwanstein punika dipunbikak kanggé umum. Kawontenan punika dipunlampahi amargi kanggé mbayar sapérangan utang Ludwig anggènipun ngrampungaken pambangunan Kastil Neuschwanstein punika. Kastil Neuschwanstein punika ugi sampun naté dipunginakaken minangka papan kanggé syuting film lan dados inspirasi kanggé puri Sleeping Beauty ing Taman Disneyland lan Hongkong Disneyland.[4]

Cathetan suku[besut | besut sumber]

  1. ^ [1], Istana terindah di dunia (dipun-akses tanggal 21 November 2012).
  2. ^ a b c [2], Kastil (dipun-akses tanggal 21 November 2012).
  3. ^ (id) Keindahan KastilNeuschwanstein German, (dipunakses tanggal 7 Maret 2013)
  4. ^ (id) KASTIL NEUSCHWANSTEIN (Inspirasi Sleeping Beauty Disneyland), (dipunakses tanggal 7 Maret 2013)