Kaos oblong

Saka Wikipédia Jawa, bauwarna mardika basa Jawa
Kaos oblong

Kaos oblong uga diarani T-shirt ya iku jinis sandhangan kang nutupi lengen, dhadha, bahu, lan weteng. Kaos oblong ora duwé kancing, krah, utawa sak. Lumrahé kaos oblong duwé lengen cekak. Lengene ngliwati bahu nganti tekan sikut. Kaos oblong ing pérangan guluné duwé wujud bunder. Bahan kang umum kanggo nggawé kaos oblong ya iku katun utawa poliéster. Saliyané iku kena uga nggunakaké bahan loro-loroné, kanthi nggabungaké bahan-bahan mau. Mode kaos oblong kaya ta mode kanggo wong wadon lan mode kanggo wong lanang. Kaos oblong uga kena dianggo kabéh umur wiwit bayi, remaja, nganti tekan wong diwasa.

Asal muasal jeneng inggrisé ya iku T-shirt, ora ana sing mangerténi kanthi trawaca. Téyori kang paling umum ya iku jeneng T-shirt asalé saka wujud kang mirib karo huruf "T", utawa amarga wadyabala militér kerep nganggo pakéyan jinis iki dadi pakéyan training utawa training shirt. Kaos oblong biyèn mung dianggo dadi pakeyan dalam. Nanging saiki kaos oblong ora mung digunakaké dadi pakeyan dalam nanging uga kena dadi pakéyan sadina-dinané. Kaos oblong jaman saiki duwé akèh variasi lan wernané. Ing wektu iki, akeh kaos sing wis dimodifikasi kanthi nggunakake sablon kaos kanggo nambah estetika kaos kasebut.Umpamané kaos oblong kang diwénéhi gambar lan tulisan kang warna-warna. Kaya ta filem, jeneng lan gambar tokoh kang misuwur. Saliyané iku kaos oblong uga kena dadi ciri organisasi lan kanggo kampanyé kanthi nyithak tulisan lan gambar manut karep lan ancasé. Wiwitane, kaos mung digunakake minangka identitas dhiri, mula pungkasane dadi populer banget lan Hanes ngedegake pabrik kaos pertama ing donya.