Jiaozi

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Jiaozi ingkang dipungodhog

Jiaozi inggih punika daging babi utawi urang lan sayuran ingkang dipuncacah lajeng dipunbungkus wonten ing lembaran glepung terigu.[1][2] Adonan kulit punika dipundamel saking campuran glepung terigu, toya, lan sarem (uyah). Dhaharan punika dipunmasak kanthi dipungodhog. Wonten ing Jepang, dhaharan punika ugi sinebat gyoza, wondéné wonten ing Korea dhaharan punika asring dipunsebat mandu. Jiaozi punika boten sami kaliyan pangsit (wonton). Kulit saking jiaozi punika langkung kandel tinimbang pangsit.

Saking tilaran saking jaman mangsa semi lan gugur wonten ing Cina, dipunmangertosi bilih tiyang wonten ing jaman kasebat sampun naté dhahar jiaozi. Saking tilaran ingkang wonten ing guci ingkang dipunpanggihaken saking makam (pasarean) ing Dunhuang asal saking Dinasti Tang kapanggihaken jiaozi kanthi kawontenan ingkang sampun garing.

Variasi[besut | besut sumber]

  • Shuijiao (jiaozi godhog: shuijiao)
  • Zhengjiao (jiaozi kukus: zhengjiao)
  • Guotie utawi kuo tieh (jiaozi goreng guotie, utawi jianjiao)

Rujukan[besut | besut sumber]

  1. "Recipe: Classic Chinese Dumplings (Jiaozi)". Kitchn. Dijupuk 2017-11-27. 
  2. "Jiaozi - Chinese Dumplings - Fine, Fresh & Food". www.fine-fresh-food.com (ing basa Inggris). Dijupuk 2017-11-27.