Iwak koi

Saka Wikipédia Jawa, bauwarna bébas abasa Jawa
Iwak Koi

Iwak koi kalebu iwak hias kang akèh sing seneng.[1] Saliyané ngopèni minangka hobi, iwak koi uga bisa didadèkaké bisnis kang apik.[1] Iwak koi asalé saka iwak mas.[1] Iwak iki ya iku iwak nasional nagara Jepang.[1] Ing nagara Jepang iwak koi dianggep iwak Déwa.[1] Ing nagara Jepang koi disebut kai kang artiné iwak berwarna.[1] Akèh vèrsi kang ngrembaka ngénani asal mausul koi.[1] Salah sijiné ya iku asalé saka Pèrsi, banjur digawa ing Jepang déning wong Cina ngléwati daratan Cina lan Koréa.[1] Koi saka Jepang pertama kali di eksport marang San Fransisco, Amérika Sarékat (1938).[1] Bibar iku banjur dikirim marang Hawai (1947), Kanada (1949), lan Brasil (1953).[1] Wondéné mlebu Indonésia ditaksir kira-kira taun 1981-1982 digawa déning Hany Moniaga, hobiis kang manggon ana ing Cipanas, Cianjur, Jawa Barat.[1] Déwéké banjur ngembangaké ternak koi kang jeneng Leon lan Leonny.[1]

Jinis Iwak Koi[besut | besut sumber]

Jinis utawa kelompok iwak koi miturut pola lan variasi warna kapérang dadi 4.[2] ya iku:

Werna Tunggal

Jeneng Iwak Variasi warna awak
Shiromuji Putih
Benigoi, Higoi, Akagoi Kabèh abang
Kigoi Kuning
Kingoi Keemasan
Gingoi Putih Keperakan
Karasugoi, Sumigoi Kabèh ireng

2 Werna

Jeneng iwak Variasi warna awak
Kohaku Awak warna putih kanti warna abang nutupi sapérangan geger
Tancho-kohaku Putih-abang, ndase belang
Shiro-bekko Putih belang ireng
Shiroutsuri ireng belang putih
Ki Utsuri Ireng belang kuning
Hi utsuri Ireng belang abang
Aka-bekko Abang belang ireng
Asagi Biru-Abang

3 Werna

Jeneng iwak Variasi warna awak
Taisho-sanshoku Werna awak putih kanti corak warna abang, nanging campur karo ireng
Showa-sanshoku campuran antarané ireng, abang, lan putih ing sekabehane awak

4 Werna utawa luwih

Jeneng iwak Variasi warna awak
Goshiki 5 warna

Cara budidaya iwak koi[besut | besut sumber]

Milih iwak koi kang apik (duwé kuwalitas)[besut | besut sumber]

Kang perlu digatèkaké sakjroné milih iwak koi ya iku:

  1. Wujud awak (lurus, bunder ananging ora terlalu lemu).[3]
  2. Gayané renang (tenang kandang nglenggak-nglenggok kanti imbang).[3]
  3. Warna lan pola warna (cemerlang, jelas).[3]
  4. Keséhatan (aja milih koi kang lemes).[3]
  5. Ora gelem obah lan senengé ana ing dhuwur terus).[3]

Nyiyapaké blumbang kang trep[besut | besut sumber]

Blumbang kanggo iwak koi kudu resik, kanggo bentuké bisa pasagi panjang utawa bundér.[4] Sing wigati aja lali gatékaké kuwalitas banyu, ya iku kudu 24-26 drajat celsius.[4] pH 7,2-7,4.[4] Kandutan karbon dioksida maksimal 10 pp, dan kandhutan nitrit maksimal 0,2.[4]

Pakan[besut | besut sumber]

Pakan kang diwènèhaké bakal ngaruh kanggo tampilan warna iwak koi.[4] Pakan kang apik kanggo iwak koi ya iku pakan kang akèh ngandut protèin héwani lan nabati lan duwé multivitamin. Kebutuhan pakan iwak koi ya iku 3-5 saka jumlah bobot iwak.[4]

Penyakit[besut | besut sumber]

Iwak koi kalebu iwak kang ora tahan banting.[5] Mula saka iku iwak koi kalebu ringkih marang sawetara lelara.[5] Kang kerep dikeluhaké déning para peternak iwak koi ya iku infeksi jamur. Anata jamur kang kerep nginfeksi ya iku:

  1. Saprolegnia
  2. Branchiomycosis
  3. Icthyophonus
  • Panen

Dawa iwak koi kang wis bisa dipanen ya iku kira-kira 20 cm.[4] Aja lali misah-misahaké ukuran dawa iwak koi ing wayah panèn supaya gampangaké anggoné ngétung asilé.[4]

Cathetan sikil[besut | besut sumber]

  1. ^ a b c d e f g h i j k l [1], Kaunduh 2/10/2012.
  2. ^ [2], Kaunduh 2/10/2012.
  3. ^ a b c d e [3], Kaunduh 3/10/2012.
  4. ^ a b c d e f g h [4], Kaunduh 3/10/2012.
  5. ^ a b [5], Kaunduh 3/10/2012.

Pranala njaba[besut | besut sumber]

[6] [7] [8] [9] [10]