Iwak sumatra

Saka Wikipédia Jawa, bauwarna mardika basa Jawa
(Kaelih saka Iwak Sumatra)
Iwak Sumatra
Secure
Klasifikasi ngèlmiah
Karajan: Animalia
Filum: Chordata
Klas: Actinopterygii
Ordho: Cypriniformes
Famili: Cyprinidae
Génus: Puntius
Spésies: P. tetrazona
Jeneng binomial
Puntius tetrazona
(Bleeker, 1855)
Sinonim
Barbus tetrazona (Bleeker, 1855)
Capoeta tetrazona (Bleeker, 1855)
Barbodes tetrazona (Bleeker, 1855)

Capoeta sumatranus (Bleeker, 1860)

Iwak Sumatra (Puntius tetrazona) punika jinising iwak alit saking anggota suku Cyprinidae, anak suku Cyprininae. Nama mau minangka nama perdagangan dados ulam hias. Wonten ing Basa Inggris, ulam punika dipunwastani sumatra barb utawi tiger barb.

Pemerian[besut | besut sumber]

Ulam punika gadhah ukuran alit kanthi dawa dumugi 70 mm. Awakipun gadhah warni radi kuning kanthi sekawan pita tegak kanthi warna ireng. Pita ingkang kapisan nglewati mata lan ingkang pungkasan wonten ing pangkal buntut. Gurat sisih boten sampurna, 22-25 namung kaliyan 8-8 sisik paling ngajeng ingkang wonten pori-nipun. Batangipun buntu dipunubengi déning 12 sisik. Dhuwuring awak kirang langkung setengahipun dawa standar tanpa buntut [1].

Ing sakiwa tengenipun tutuk, sirip weteng, lan buntu warnanipun radi abang. Sirip punggung (dorsal) lan sirip dubur (anal) warnanipun ireng, anaging warna ireng wonten ing sirip punggung winatesan déning garis abang [2]. Jinis ulam ingkang dipundadosaken sadéan punika ingkang warni radi kuning, ingkang radi abang, ijo, lan albino. Jinis ingkang warni radi ijo punika sajatosipun tandha-tandha melanisme ing ula Sumatra. Déné ingkang warnanipun albino kalebet asiling saking pembiakan selèktif ing penangkaran kanggé nginggilaken aji jual ulam Sumatra punika.

Habitan lan Panyebaran[besut | besut sumber]

ulam sumatra

Ulam Sumatra punika nyebar kanthi alami wonten ing Ujung Malaya (kalebet ing wewengkon Thailand), Sumatra, lan Kalimantan. Kajawi punika wonten ugi laporan-laporan temuan saking wewengkon sanès ing Asia Tenggara ingkang èwet dipungenahaken menapa ulam kasebu asli utawi ulam icul ingkang sampun saged nglampahi adhaptasi.

Ulam punika asring kapanggih wonten ing lèpèn-lèpèn cethèk (dangkal) kanthi arus sedengan saged ingkang bening ugi ingkang buthek. Ulam Sumatra remen pH antawisipun 6.0-8.0, kesadahan toya antawisipun 5-19 dGH. Kisaran temperatur toya antawisipun 20–26 °. Diakses 26 Mèi 2009.</ref>. Ulam Sumatra ugi kapanggih ing rawa-rawa ingkang dados indikasi bilih ulam punika gadhah toleransi ingkang ageng dhateng éwah-éwahan kualitas toya. Rata-rata ulam Sumatra punika gesang kirang langkung 6 taun.

Mupangat[besut | besut sumber]

Ulam sumatra punika kalebet salah satunggaling ulam akuarium kanthi aji komersial ingkang inggil. Miturut cathetan impor ulam hias Amérikah Sarékat ing taun 1992, ulam sumatra punika pikantuk rangking 10 kanthi jumlah individu ingkang dipun-impor taun punika kanthi cacah 2,6 juta ulam [3] .

Cathetan suku[besut | besut sumber]

  1. Kottelat, M., A.J. Whitten, S.N. Kartikasari, S. Wirjoatmodjo. 1993. Ikan Air Tawar Indonesia Pérangan Barat dan Sulawesi. Periplus Edition (HK) Ltd. dan Proyek EMDI KMNKLH Jakarta. hal 60.
  2. Sastrapradja, S., A. Budiman, M. Djajasasmita, dan C.S. Kaswadji. 1981. Ikan Hias. LBN - LIPI. Bogor. hal. 98-99.
  3. Chapman, F.A. (1994). "An analysis of the United States of America International Trade in Ornamental Fish". CTSA Project Final Report, University of Florida, Department of Fisheries and Aquatic Sciences.: 1–55. {{cite journal}}: Unknown parameter |coauthors= ignored (|author= suggested) (pitulung)