Istanbul

Istanbul (basa Turki: İstanbul) iku kutha kang gedhé dhéwé ing Turki. Nganti taun 1930 kutha iki luwih umum dikenal déning wong barat kanthi jeneng Yunani-né ya iku Konstantinopel; sawatara ana kang ngarani Stambul, mligi ing abad kaping 19. Luwih adoh sadurungé, kutha iki uga naté dikenal minangka Bizantium utawa Byzantion. Kutha iki kang ndunungi 11 yuta jiwa.

Kanthi populasiné kang kurang luwih 11 nganti 15 yuta, Istanbul dadi kutha kang paling padhet kang ndunungi Turki lan ngrupaaké salah siji kutha gedhé dhéwé ing Éropah. Kutha iki uga dadi kutha krajan administratif Provinsi Istanbul.

Sajarah

Didhegaké déning kaisar Romawi Konstantin ing koloni Yunani kuna kang arané Bizantium, lan dijenengaké Konstantinopel kanggo ngurmati kaisar, kutha iki dadi kutha krajan wétan kamaharajan Romawi lan sabanjuré dadi kutha krajan kamaharajan Romawi Wétan. Sawisé runtuh Konstantinopel ana ing taun 1453 kutha iki dadi pérangan lan dadi kutha krajan Kamaharajan Ottoman. Sadurungé perebutan mau, bangsa Turki ngarani kutha iki kanthi jeneng İstanbul, nanging kanthi resmi migunakaké jeneng Qustantaniyyeh (قسطنطنيه), kang surasané "Kota Konstantin" djroning basa Arab. Mung, ana ing tanggal 28 Maret 1930 kutha iki dijenengaké Istanbul manèh.

Wisata

Pura Topkapı, patilasan Pura Sultan
Grand Bazaar, pasar gedhé ing tengah kutha Istanbul
Selat Bosporus, kang ngubungaké Sagara Ireng karo Sagara Aegean saterusé menyang Sagara Mediteranian
Masjid Biru, masjid gedhé dhéwé ing Istanbul
Hagia Sophia utawa Ayasofya, sajarahé tau dianggo minangka gréja, masjid, saiki dadi musiyum kanggo wisata.