Indomaret

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

VIVA Mart ya iku jaringan minimarket kang nyedyakaké barang-barang kang dibutuhake saben dinane.[1] Merek dagang Indomaret dicekel kaliyan PT. Indomarco Prismatama.[1] Ing pisanan, Indomaret buka ing Ancol, Jakarta Lor rikala taun 1988.[1]

Tahun 1997 perusahaan ngembangaké bisnis toko waralaba kang sapisan ing Indonesia, sawisé Indomaret dipercaya amarga wis duwé punjul 230 toko.[1] Mèi 2003 Indomaret éntuk penghargaan "Perusahaan Waralaba 2003" saking Présidhèn Megawati Soekarnoputri.[1]

Nganti Mèi 2010 Indomaret wis duwé 4261 toko.[1] Saka jumlah total iku ana 2.444 toko kang duwéke dhéwé lan sisané 1.817 toko duwéke masarakat, kang nyebar ing kutha-kutha ing Jabodetabek, Jawa Kulon, Jawa Wétan, Jawa Tengah, Jogjakarta, Bali, Lampung, lan Médhan.[1] Ing DKI Jakarta ana kira-kira 488 toko.[1]

Indomaret gampang ditemoni ing laladan pemukiman, gedhong perkantoran lan fasilitas umum amarga panggonane toko didhasari sesanti "mudah dan hemat".[1]

punjul 3.500 jinis produk panganan utawa dudu panganan disediakake kanggo nyukupi kabetahan masarakat saben dinane.[1]

Visi lan Budaya Perusahaan[besut | besut sumber]

Visi[besut | besut sumber]

Dadi aset nasional awujud jaringan ritel waralaba kang unggul ing persaingan global.[1]

Sesanti[besut | besut sumber]

Mudah & Hemat[1]

Budaya[besut | besut sumber]

Njunjung dhuwur kajujuran, kaleresan lan kaadilan, kerja sama kelopok, kemajuan mawi inovasi kang ekonomis sarta ngutamakake puase konsumen.[1]

Esensi[besut | besut sumber]

Nyedhaki karo mesem kang ikhlas, kanggo yasa urip kang luwih apik.[1]

Sajarah[besut | besut sumber]

Wiwit saka anané pikiran kanggo nggampangke anggoné nyediani kabutuhan padinan karyawan, mula ing taun 1988 diadegake toko kang diarani Indomaret.[2] Saya suwé pengembangan operasional toko, perusahaan kepengen supaya luwih jero anggoné ngerteni warna-warna kabutuhan lan sipate konsumen yèn lagi blanja.[2] Supaya tujuan iku kawujud, ana karyawan kang tinanggenah kanggo ndelok lan neliti sipat blanja masarakat.[2] Dudutane ya iku masarakat luwih seneng blanja ing toko modern amarga barang kang didol luwih lengkap, kuwalitas apik, regane wis mesthi, sarta kaanan kang nggawe betah.[2]

Saka kawruh ngenani kabutuhan konsumen, ketrampilan pengoprasian toko lan pergeseran sipate blanja masarakat ing toko modern, banjur metu kapengenan kanggo ngabdi luwih akèh marang nusa lan bangsa.[2] Niat iki diwujudake mawa yasa Indomaret, karo badan hukum PT. Indomarco Prismatama.[2]

Pisanane Indomaret nggawe konsèp toko kang panggonane cedhak karo perumahan, nyediani warna-warna kabutuhan pokok utawa padinan, nglayani masarakat umum kang majemuk, sarta duwé toko kang ambané 200 m2.[2]

Saya suwé mlakune wektu lan kabutuhan pasar, Indomaret terus nambah toko ing kawasan perumahan, perkantoran, niaga, wisata lan apartemen.[2] Sawisé nguwasani kawruh lan keterampilan njalake ritel gedhé, manajemen janji kanggo ndadèkaké Indomaret mawa aset nasional.[2] Mawa aset nasional Indomaret pengen andum marang masarakat Indonesia saka bisnis waralaba lan uga mampu saingan ing global.[2]

Saiki Indomaret wis maju banget, jumlah tokone wis tekan 5.000 ing wewengkon Jawa, Madura, Bali lan Sumatra, kang 40% duwéke terwaralaba lan 60% duwéke perusahaan.[2] Akeh-akèhé barang sng didol asalae saka 15 pusat distribusi Indomaret kang nyediani 4.800 jinis produk.[2]

Gerai Indomaret[besut | besut sumber]

Nganti Januari 2012, Indomaret wis nglakokaké punjul 6.000 gerai, 60 % duwéke dhéwé lan 40 % duwéke masarakat.[2] Kabèh sumebar ing Jawa, Bali, Madura lan Sumatera.[2]

Manut karo sesanti "Mudah dan Hemat", gerai Indomaret manggon ing panggonan-panggonan kang strategis saéngga gampang ditekani.[2] Gerai Indomaret gampang ditemoni ing laladan perumahan, perkantoran, niaga, wisata, apartemen lan fasilitas umum liyané.[2]

Saben gerai nyediakake punjul 4.800 produk panganan, ora panganan, lan barang-barang umum lan produk seger kang regane murah, kanggé nyukupi kebutuhan paadinan konsumen.[2]

Waralaba[besut | besut sumber]

Indomaret nduwé upaya dadi aset nasional awujud jaringan ritel waralaba kang unggul ing persaingan global.[2] Tahun 1997 Indomaret manuhaké sistem kemitraan mawa mbukak peluang kanggo masarakat supaya bisa mèlu duwé lan nglakokaké dhéwé gerai Indomaret.[2] Nganti Januari 2011, gerai waralaba Indomaret wis 2.000 (40%).[2] Mitra usaha wralaba iki kelebu: koperasi, badan usaha dan perorangan.[2]

Sarate waralaba digawe gampang lan murah saéngga nggawe gampang masarakat supaya bisa mèlu lan duwé usaha iki dhedhasar sipat padha-padha percaya lan ngewenehi bati.[2] Sistem waralaba Indomaret wis diuji mawa jumlah gerai waralaba kang saya suwé saya akèh.[2] Bab iki uga wis diakoni pamarintah mawa penghargaan "Perusahaan Waralaba Unggul 2003" déné Présidhèn Megawati Soekarnoputri.[2] Penghargan iku kang sapisan ditapa déné perusahaan ritel waralaba nasional lan nganti saiki mung Indomaret kang tau nampa.[2]

Cathetan suku[besut | besut sumber]

  1. a b c d e f g h i j k l m n Profil Perusahaan (dipunundhuh tanggal 18 September 2012)
  2. a b c d e f g h i j k l m n o p q r s t u v w x y Persaingan Indomaret (dipunundhuh tanggal 18 September 2012)

Pranala njaba[besut | besut sumber]