Ilham Aliyev
| Ilham Heydar oglu Aliyev İlham Heydər oğlu Əliyev | |
|---|---|
 | |
| Présidhèn Azerbaijan ke-4 | |
| Linggih 31 Oktober 2003 – Sapunika | |
| Mahamantri | Artur Rasizade |
| Kang sadurungé | Heydar Aliyev |
| Kang sawisé | Sedang Menjabat |
| Mahamantri Azerbaijan | |
| Linggih 4 Agustus 2003 – 4 November 2003 | |
| Présidhèn | Heydar Aliyev |
| Kang sadurungé | Artur Rasizade |
| Kang sawisé | Artur Rasizade |
| Rerincèn dhiri | |
| Lair | 24 Dhésèmber 1961 (umur 62) Baku, RSS Azerbaijan, Uni Soviet (kini Azerbaijan) |
| Bangsa | Azerbaijan |
| Parté pulitik | Parté Azerbaijan Baru |
| Sisihan | Mehriban Pashayeva |
| Agama | Islam Singah |
Ilham Heydar oglu Aliyev (basa Azerbaijan: İlham Heydər oğlu Əliyev) (lair 24 Dhésèmber 1961; umur 62 taun) inggih punika Présidhèn Azerbaijan[1] sapunika. Piyambakipun ugi minangka ketua saking Parté Azerbaijan Baru utawi Yeni Azərbaycan Partiyası.[2]
Biografi
[besut | besut sumber]Piyambakipun miyos rikala tanggal 24 Dhésèmber 1961 wonten ing Baku ing sadengahing kulawarga ingkang gadhah keistimewaan gesang. Periode 1967-1977, piyambakipun pikantuk pendidikan sekolah lan mlebet Universitas Negeri Moskow wonten ing Hubungan Internasional (MSUIR) rikala taun 1977. Sasampunipun lulus rikala taun 1982, piyambakipun nglajengaken pendidikan pasca-sarjananipun wonten ing MSUIR lan mucal ing mrika sadangunipun 5 taun. Piyambakipun mungkasaken risètipun lan pikantuk gelar Ph.D. wonten ing ngèlmu pulitik lan sajarah wonten ing 1985.[3]
Periode 1985-1990, piyambakipun dados lektor Universitas Nagara Moskwa ing babagan Hubungan Internasional lan mimpin kelompok parusahan swasta indhustri-perdagangan ing periode 1991-1994. Taun 1991, piyambakipun nilaraken profesi mucal. Miturut biografinipun, piyambakipun kagayut pawiyatan bisnis wonten ing Moskwa lan Istanbul. Boten kathah ingkang dipunmangertosi babagan pawiyatan bisnisipun, nanging wonten ing periode punika piyambakipun dipunkenal minangka satunggaling "playboy". Isu-isu ingkang sumebar, piyambakipun asring ngunjungi kasino lan asring kagayut kaliyan utang ingkang ageng wonten ing judi, nanging slamet amargi kakuwasan bapakipun. Sikap lan karakteripun saèstu bènten kaliyan bapakipun.
Taun 1994, piyambakipun wiwit èwah lan dipunangkat minangka Wakil Présidhèn lajeng dados wakil pimpinan kapisanan Parusahan Minyak Nagara Républik Azerbaijan (SOCAR) wonten ing periode 1994-2003. Kanthi aktif piyambakipun kagayut wonten ing palaksanan "strategi lenga Heydar Aliyev". Kaping kalih kapilih wonten ing Milli Majelis (Parlemen) rikala taun 1995 lan 2000.
Wiwit taun 1997, piyambakipun minangka pamimpin Komite Olimpiade Nasional Azerbaijan minangka sumbangan agengipun wonten ing pangembangan ulah raga lan olimpiade, saéngga piyambakipun patut pikantuk bebungah medali paling inggil saking Komite Olimpiade Internasional. amargi kasarasan Présidhèn Heydar Aliyev (bapakipun) samsaya mandhap, lajeng piyambakipun ngrantam penciptaan sawijining dinasti pulitik. Ilham lajeng èwah dados politisi éwadéné kathah tiyang ingkang boten pitados.
Poster-poster tunggal bapakipun kagantos kaliyan poster ingkang nedahaken pasuryan bapak lan putra wonten ing kutha-kutha lan désa-désa. Wonten ing pertarungan posisinipun minnagka politisi, piyambakipun ndhèrèk kampanye babagan pamilihan anggota parlemen taun 1999. Piyambakipun gagal nedahaken kamampuanipun. Parté Azerbaijan Baru (Yeni Azərbaycan Partiyası/YAP) menang kanthi gampil, nanging punika minangka akibat pangètangan swanten ingkang dipunrekayasa.
Piyambakipun lajeng kapilih minangka Wakil Ketua Parté Azerbaijan Baru ingkang saweg kuwasa. Piyambakipun makili bapakipun wonten ing saben pepanggihan kaliyan pejabat asing ingkang rawuh lan mbikak pusat ulah raga kaliber olimpiade ènggal wonten ing Azerbaijan kanggé nyengkuyung posisinipun minangka pulitikus.
Taun 1999, piyambakipun dipunangkat minangka deputi lan deputi pisanan parté ingkang kuwasa Parté Azerbaijan Baru rikala taun 2001. Periode 2001-2003, piyambakipun njabat minangka ketua wakil parlemen Azerbaijan wonten ing Majelis Parlemen Dewan Éropah (PACE) lan dipunangkat minangka Ketua Deputi Majelis Parlemen Dewan Éropah lan anggota kantor PACE rikala Januari 2003. Taun 2003 mau, piyambakipun mandhegaken kegiyatanipun minangka anggota parlemen amargi dipunangkat minangka Mahamantri tanggal 4 Agustus 2003.
Cathetan suku
[besut | besut sumber]- Biografi Resmi Archived 2005-04-05 at the Wayback Machine.
- (ing basa Azerbaijan) (ing basa Ruslan) Laman Web Resmi Presiden Azerbaijan
- BBC Profile: İlham Aliyev
- BBC Country Profile: Azerbaijan - İlham Aliyev
| Kalungguhan pulitik | ||
|---|---|---|
| Kang sadurungé Artur Rasizade |
Mahamantri Azerbaijan 2003 |
Kang sawisé Artur Rasizade |
| Kang sadurungé Heydar Aliyev |
Présidhèn Azerbaijan 2003 – Sekarang |
Kang sawisé Sedang Menjabat |