Horai

Saka Wikipédia Jawa, bauwarna bébas abasa Jawa
Eirene,salah satunggaling Horai

Wonten ing mitologi Yunani, Horai (Basa Yunani : Ὧραι ) punika tiga dewi ingkang ngatur katertibaning pagesangan [1]. Tiga dewi kasebut inggih punika putri saking Zeus lan Themis, lan sedhèrèk kuwalon saking Miorai [2].

Wonten ing mitologi[besut | besut sumber]

Para Horai kasebut ing Iliad minangka ingkang njagi gerbang awan Zeus. Déné miturut Hesiodos, Zeus agarwa Themis lajeng wiyos Eunomia, Dike, lan Eirene dewi-dewi hukum ingkang njagi masarakat. Dewi-dewi kasebut dipunsembah mliginipun wonten ing Kutha Athena, Argos, lan Olimpia. Ugi wonten ing Himne Homeros punika Thallo, Auxo, lan Karpo dewi-dewi musim ingkang "merepresentasikan" mangsa semi, mangsa panas, lan mangsa gugur. Ketiganipun dipunsembah wonten ing padésan mliginipun ing kalangan para petani ing sadaya Yunani.

Wonten ing kelompok Horai kapisan (inggih punika Eunomia, Dike lan Eirene ) Dike punika dewi keadilan lan moral. Dike punika kagunga kuwaos awit keadilan manungsa déné ibunipun ( Themis ) kagungan kuwaos awit keadilanipun para dewa. Dike wiyos minangka manungsa lan Zeus mapanaken Dike wonten ing bumi kangge njagi umat manungsa supados tetep adil. Dike kanthi cepet rumaos bilih perangan punika mustahil lan pungkasan dipunmapanaken déning Zeus wonten ing Gunung Olimpus. Eunomia punika dewi hukum lan perundang-undangan. Eirene utawi Irene punika dewi kedamaian lan kekayaan ugi kagambaraken wonten ing seni kuno minangka priyantun estri enem ingkang ayu mbeta kornukopia tongkat kerajaan lan obor utawi rhiton.

Wonten ing Erga Kai Hemerai karyanipun Hesiodos, para Horai sesarengan kalihan para Kharis ugi para Feitho paring mahkota Pandora kalihan karangan sekar. Ugi Afrodit ingkang kapisan medal saking segara, dipundandani lan dipunparingi busana ingkang dipunclup kalihan sekar ing mangsa semi déning para Horai.

Ing kelompok angka kalih inggih punika Thallo, Auxo, lan Karpo dipunaturaken asalipun saking Afrodit lan kalebet lambang saking pagesangan lan tuwuhan. Thallo (Θαλλώ, kanthi harfiah punika ateges tiyang ingkang mbeta sekar-sekaran) utawi Thalatte punika dewi mangsa semi, tunas lan sekar-sekaran. Kejawi punika ugi palindung para pemuda. Auxo ( (Αὐξώ, punika ateges penambah'), sesarengan kaliha Hegegome dipunpuja ing Athena minangka para Kharis. Karpo (Καρπώ), Carpho, utawi Xaarpo punika ing paring dedhararan. Ugi dados pelayanipun Persefone, Afrodit, lan Hera. Kejawi punika ugi asring dipungayutaken kalihan Dionisos, Apollo, lan Pan.

Cathetan suku[besut | besut sumber]

  1. ^ [1] (id) Hukum dan keadilan - Themis dan Dike (dipunakses tanggal 27 Januari 2013)
  2. ^ [2] (id) Dewa dan dewi dalam mitologi Yunani (dipunakses tanggal 27 Januari 2013)

Pranala Njawi[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Horai&oldid=1014296"