Themis

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Themis

Themis (Basa Yunani : Θέμις) wonten ing mitologi Yunani menika satunggaling Titan èstri ingkang gadhah sesambetan kalihan Zeus Themis menika salah satunggal saking 7 garwanipun Zeus [1]. Themis menika kagungan lare Horai lan Astraia saking Zeus[2]. Themis ugi wonten ing Delos kanggé mirsani wiyosipun Apollo. Themis ateges hukum alam, Themis menika awaking saking aturan, hukum, lan adat.

Themis menika salah satunggaling dewi ingkang gadhah hubungan kalihan Orakel Delphi amargi ndherek mbangun. Themis nampi saking ibunipun, Gaia lan maringaken dhateng Foibe. Kathah ingkang ngenut Neo-Pagan mliginipun Neo-Pagan Hellenis mastani Themis menika dewi kebajikan lan keadilan [1].

Wonten ing legénda Yunani Kuno, Themis dipunwastani dewi keadilan. Themis menika kagambaraken minangka dewi ingkang mbeta pedang lan mripatipun katutup kain ireng. Pedang ingkang wonten ing asta tengen Themis kados siap nebas menapa kemawon ingkang boten leres lan angkara murka.

Gambaran[sunting | sunting sumber]

Personifikasi saking konsep abstrak ingkang dados titianipun saking Bangsa Yunani. Dewi Themis ingkang saged mirsani masa ngajeng menika ndadosaken Themis minangka salah satunggal ing Orakel ing Delphi ingkang ing pungkasanipun dados dewi keadilan. Wonten penggambaran klasik babagan Themis boten nedahaken bilih Themis menika wuta utawi mbeta pedang. Themis mbangun Orakel ing Delphi dene piyambakipun dados peramal. Miturut versi sanès, Themis nampi Orakel Delphi saking Gaia lajeng dipunparingaken dhateng Foibe [3].

Iustitia[sunting | sunting sumber]

Wonten ing mitologi Romawi, Themis menika sejajar kalihan Iustitia utawi Justitia ingkang kalebet dewi keadilan lan hukum ugi. Iustitia menika personifikasi saking dorongan moral ingkang wonten ing ngandhaping sistem hukum. Wiwit éra Renaissance Iustitia asring dipungambaraken minangka wanita kanthi telanjang dada, mbeta pedang lan timbangan sarta kadang kala ngginakaken tutup mripat.

Ikonografi ingkang langkung modern menika kathah nggrenggani papan sidang ingkang kalebet kombinasi saking Dewi Fortuna Romawi ingkang ngagem tutup mripat kalihan Dewi Tyche Yunani Helleinistik (masa panjajahan Alexander Agung). Gambaran Justitia ingkang paling umum menika timbangan ingkang nggantung saking asta kiwa kanggé ngukur pembelaan lan perlawanan wonten ing satunggaling prastawa. Asring ugi dipungambaraken mbeta pedang kanthi mata kalih minangka simbol kekuwataning Pertimbangan lan Keadilan. Lajeng dipungambaraken ngagem tutup mripat kanthi ancas bilih keadilan menika kedah rata boten pilih sih [1].

Cathetan suku[sunting | sunting sumber]

  1. ^ a b c [1], (id) Themis : sang dewi keadilan (dipunakses tanggal 24 Januari 2013).
  2. ^ Hesiodos, Theogonia, 904.
  3. ^ Aiskhilos, Eumenides 1

Pranala Njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Themis&oldid=836137"