Hard Target (filem)

Hard Target
Hard Target
Disutradarani	John Woo
Diprodhuseri	James Jacks; Sean Daniel
Ditulis déning	Chuck Pfarrer
Dibintangi	Jean-Claude van Damme; Lance Henriksen; Yancy Butler; Wilford Brimley;
Dimusiki	Graeme Revell; Tim Simonec
Sinématografi	Russell Carpenter
Dibesut déning	Bob Murawski
Perusahaan; prodhuksi	Alphaville Films; Renaissance Pictures
Dibabar déning	Universal Studios
Tanggal metu	20 Agustus 1993 (Amérika Sarékat); ; ; ; ;
Suwéné	97 menit
Nagara	Amérika Sarékat
Basa	Inggris
Rantaman	$19.5 yuta
Kalarisan	$74.2 yuta

Hard targèt ya iku filem basa Inggris saka Amérika Sarékat kang dirilis tanggal 20 Agustus taun 1993. Filem iki disutradharani déning John Woo, sutradhara saka Hong Kong kang debut ing Amérika lan diprodhuseri déning James Jacks lan Sean Daniel kanthi perusahaan prodhuksi Alphaville Films lan Renaissance Picturés. Paraga filem kasebut kalebu Jean-Claude van Damme, Lance Henriksen, Yancy Butler, lan Wilford Brimley. Hard targèt nyeritakaké babagan Chance Boudreaux sing dibintangi déning Jean-Claude Van Damme sawisé nylametaké wanita enom Natasha Binder (Yancy Butler), saka gèng préman ing New Orleans, setuju mbiyantu dhèwèké nggolèki bapaké (Chuck Pfarrer), dokter héwan saka Viétnam sing ora duwé omah.^[1]

Hard targèt minangka filem Amerika kepisan gawéané Woo lan uga film Hollywood utama kepisan sing digawé déning sutradara saka Asia. Wiwitané, Universal Studios ora yakin karo Woo. Menawa Woo ora kasil, Woo dhèwèké bakalan diganti karo Sam Raimi. Pisanan maca naskah caritané, Woo ora sreg merga akèh adhegan gelut. Woo kepéngin minangka aktor Kurt Russel kang dadi aktor utama. Ananging wektu kuwi Russel akèh gawéan lan wus sibuk karo proyèk liyané. Woo banjur milih pilihan awalé Universal kanthi Jean-Claude van Damme kang dadi aktor utamané Hard targèt.

Aleran

Cerita Hard targèt dibukak kanthi adhegan wong lanang sing diburu gèng pria bersenjata ing cedhak New Orleans. Chance Boudreaux minangka pelaut sing kepéngin kerja ing New Orleans. Chance wis dibayar déning Natasha Bender kanggo nggolèki bapakné, mantan vèteran tempur Doughlas Charles Bender sing saiki ora nduwé omah. Ing kana dhèwèké nemokaké bapaké Natasha wis dipatèni lan dadi korban paling anyar saka Emil Fouchon lan kancané Pik Van Cleef sing kejem mburu para vèteran sing ora duwé omah.^[2]

Nat utawa Natasha Binder tekan New Orleans, Louisiana saka Michigan kanggo nemoni bapaké Doughlas Charles Binder. Marie, sing nyewakaké omah kanggo Doughlas ngandhani Nat yen Doug isih duwé utang séwa. Doug ora kandha Marie ing ngendi dhèwèké bakal pindhah, nanging dhèwèké janji marang Marie yen dhèwèké bakal mbayar séwa tembé mburi. Doug ngenèhi kothakan sing isiné ora dingertèni marang Marie. Marie kudu njaga kothakan mau nganti Doug bisa mbayar séwané. Banjur, Marie nyerahaké kothak kasebut menyang Nat. Kothak kasebut ngemot tumpukan gambar duwéke Doug.^[3] Marie ngandhani Nat menawa dhèwèké olèh mbuka kothakan kuwi menawa dhèwèké péngin mriksa yen Doug ana ing misi OLC (Our Lady of Charity) apa ora. Banjur, Nat menyang nggolèki Elijah Roper. Elijah ujar menawa Doug naté mampir ing Mariné sauntara lan dhèwèké uga naté teka ing OLC. Elijah janji menawa dhèwèké ketemu Doug, dhèwèké bakal ngandhani Doug menawa Nat nggolèki Doug lan saiki ana ing New Orleans. Elijah uga ujar menawa Doug ora duwé omah, kaya ta wong-wong kang tena ana ing OLC. Banjur Nat lunga. Ana ing ndalan dhèwèké dibégal déning. Ora suwé, ana wong lanang teka nulungi dhèwèké. Wong lanang kasebut ya iku Chance Boudreaux. Chance ngalahaké maling kasebut lan ngandhani Nat supaya luwih ngati-ati, banjut Chance lunga. Nat lunga tumuju kantor polisi ing New Orleans. dhèwèké lumebu lan ngobrol karo detèktif Carmine Mitchel (Kasi Lemons) perkara ilangé Doug. Carminé banjur nyaranké supaya Nat njaluk tulung marang wong kang ngerti kutha New Orleans kanggo nemokaké Doug. Ing dina candhaké, Nat budhal tumuju sawijining dermaga lan meruhi Chance. Ana ing kana, Nat lan Chance nggawé mupakat menawa Nat bakal menèhi Chance $217 yèn Chance bisa nemokaké Doug. Nat crita menawa wong tuwané pegatan 20 taun kepungkur nalika dhèwèké umur 7 taun lan Doug lunga menyang New Orleans. Nat lan Chance usaha nggolèki Doug nganti ora rumangsa menawa Nat lan Chance uga dadi targèt anyar sabanjuré.^[4]

Paraga

Jean-Claude van Damme minangka Chance Boudreaux, vèteran Angkatan Laut Pasukan Corps Force Amerika Sarikat. dhèwèké diséwa marang Natasha Binder kaggo nggolèki bapaké sing ilang.^[5]
Lance Henriksen minangka Emil Fouchon, ahli olahraga sing sugih mburu tilas prajurit sing ora duwé omah.
Arnold Vosloo minangka Pik van Cleef, kancané Fouchon. dhèwèké nuntun punggawa wong sing dikirim supaya matèni Chance lan Natasha.
Yancy Butler minangka Natasha "Nat" Binder, wong wadon enom sing tekan New Orleans kanggo nggolèki bapaké, sing ora katon wiwit dhèwèké umur pitung taun. Nalika Natasha diserang déning préman, dhèwèké ditulung déning Chance Boudreaux sing banjur setuju kanggo mbiyantu dhèwèké goleki bapaké.
Kasi Lemmons minangka May Mitchell, detèktif polisi.
Chuck Pfarrer minangka Doughlas Binder, bapaké Natasha sing pindhah menyang New Orleans.
Willie C. Carpenter minangka Elijah Roper, kancané Chance Boudreaux sing uga ora duwé omah.
Wilford Brimley minangka Paman Douvee, pamané Chance Boudreaux sing manggon ing Bayou.
Eliott Keener minangka Randal Poe.
Doughlas Forsythe Rye lan Mike Leinért minangka Frick lan Frack.
Joe Warfield minangka Zenan.
Robert Apisa minangka Pak Lopacki.
Marco St John minangka Dr. Morton.
Sven-Ole Thorsen lan Jules Sylvester minangka Stephan lan Peterson.

Prodhuksi

Hard targèt digawé sawisé John Woo gawé filem ana ing Hong Kong kanthi irah-irahan Hard Boiled. Banjur Jean-Claude van Damme minangka penggemar filem-filemé John Woo ngaku menawa dhèwèké seneng bisa dadi bagian saka filemé John Woo.^[6] Damme kangélan anggoné nganggo basa Inggris ing wiwitan amarga filem kang digawé bakalan abasa Inggris. John Woo nduwéni peran kang signifikan kanggo milih aktor kang bakalan dijaki main filem kalebu anggoné milih aktor kang nduwéni peran sithik kaya ta Yancy Butler minangka Natasha Binder.

Hard targèt digawé ana ing New Orleans, Prancis. Filem iki digawé kanthi wektu 74 dina suwéne. akèh bebaya sawektu nggawé filem kasebut. Gaman bedhil kang dinggo syuting bisa waé ngrusak kaméra. Rusell Carpenter uga kangélan anggoné gawé adhegan perang bedhil kaya sing dipénginaké John Woo. Nanging, prodhuser James Jacks bisa mujudaké adhegan mau kanthi béaya kang murah.

Panampa

Hard targèt rilis ana ing 20 Augustus 1993 lan dadi filem filem pisanan kang disutradarani déning wong Asia kang bisa diputer ing studio Hollywood. Filem iki wus dimainkané ana ing box office, Televisi, lan sacar téatrikal. Filem iki nampa kritik positif saka penonton. Filem iki nampa rating 49% ing Rotten Tomatoes. Penonton uga mènèhi kritik manéka warna kaya ta "Iki filem kang dikarepaké kanggo John Woo, luwih gedhé lan luwih padhang"- Derek Adams, "salah sawijining kanikmatanku sing paling gedhé" - Jeffrey M. Anderson.^[7] Filem iki ngolèhi untung $32.6 yuta sacara téatrikal ing Amerika Sarekat lan $74.2 yuta ing saidenging donya. Banjur, ana ing box office Hard targèt ngolèhi untung $74,189,677.^[8]

Terusan filem

Terusan filem asesirah Hard targèt 2 digawé ing sasi Dhèsèmber 2015 lan rilis ing 6 Sèptèmbér 2016 kanthi aktor Robert Knepper, Rhona Mitra, Ann Truong, Temuera Morrison, Adam Saunders, Jamie Timony, Peter Hardy, Troy Honeysett, Sean Keenan, lan Sahajak Boonthanakit. Hard targèt 2 disutradarani déning Roel Reiné lan dirpodhuseri déning Chris Lowenstein. Filem terusan iki nyeritakaké babagan pejuang MMA sing ndhelik ing Tanah Thai sawisé matèni kanca sing paling apik nalika perang. dhèwèké pungkasané dilacak déning jutawan.^[9]

Hard targèt pisanan sing dibintangi Jean Claude Van Damme dirilis ing taun 1993 lan dadi filem landmark kanggo sutradara John Woo kang gawé debut ing Hollywood dadi tekanan kang dhuwur kanggo filem terusané, Hard targèt 2. Ananging, Hard targèt 2 uga nampa kritik positif saka penonton.^[10]^[11]

Rujukan

↑ Hard Target (1993) (ing basa Inggris), dibukak ing 2019-12-20
↑ Hard Target (1993) - IMDb, dibukak ing 2019-12-20
↑ "'Hard Target'". www.washingtonpost.com. Dibukak ing 2019-12-20.
↑ Hard Target (1993) - IMDb, dibukak ing 2019-12-23
↑ "'Hard Target' at 25: John Woo on Fighting for Respect in Hollywood". The Hollywood Reporter (ing basa Inggris). Dibukak ing 2019-12-20.
↑ Heard, Christopher. (1999). Ten thousand bullets : the cinematic journey of John Woo. Toronto, Ont.: Doubleday Canada. ISBN 0-385-25731-7. OCLC 45630693.
↑ Hard Target (1993) (ing basa Inggris), dibukak ing 2019-12-23
↑ "Hard Target". Box Office Mojo. Dibukak ing 2019-12-23.
↑ Hard Target 2 (2016) (ing basa Inggris), dibukak ing 2019-12-23
↑ theactionelite.com https://theactionelite.com/hard-target-2-2016-review/. Dibukak ing 2019-12-23. {{cite web}}: Missing or empty |title= (pitulung)
↑ Hard Target 2, dibukak ing 2019-12-23

[1] Hard Target (1993) (ing basa Inggris), dibukak ing 2019-12-20

[2] Hard Target (1993) - IMDb, dibukak ing 2019-12-20

[3] "'Hard Target'". www.washingtonpost.com. Dibukak ing 2019-12-20.

[4] Hard Target (1993) - IMDb, dibukak ing 2019-12-23

[5] "'Hard Target' at 25: John Woo on Fighting for Respect in Hollywood". The Hollywood Reporter (ing basa Inggris). Dibukak ing 2019-12-20.

[6] Heard, Christopher. (1999). Ten thousand bullets : the cinematic journey of John Woo. Toronto, Ont.: Doubleday Canada. ISBN 0-385-25731-7. OCLC 45630693.

[7] Hard Target (1993) (ing basa Inggris), dibukak ing 2019-12-23

[8] "Hard Target". Box Office Mojo. Dibukak ing 2019-12-23.

[9] Hard Target 2 (2016) (ing basa Inggris), dibukak ing 2019-12-23

[10] theactionelite.com https://theactionelite.com/hard-target-2-2016-review/. Dibukak ing 2019-12-23. {{cite web}}: Missing or empty |title= (pitulung)

[11] Hard Target 2, dibukak ing 2019-12-23

[1]

[2]

[3]

[4]

[5]

[6]

[7]

[8]

[9]

[10]

[11]