Guillotine

Saka Wikipédia Jawa, bauwarna mardika basa Jawa

Guillotine iku siji piranti kanggo mrejaya wong kang wis divonis kukuman pati kanthi rikat lan 'manusiawi'.

Guillotine dadi misuwur ing mangsa Révolusi Prancis, nanging sakbeneré wis ana piranti kaya iku. Guillotine dijenengaké miturut Joseph Ignace Guillotin (1738-1814), kang mrayogakaké supaya nganggo piranti iki minangka piranti eksekusi. Ironisé dhèwèké dhéwé sakbeneré ora sarujuk marang ukuman mati. Dhèwèké duwé panjangka yèn pitanti iki bakal mungkasi ukuman mati.

Ing sajeroning Révolusi Prancis, dibutuhaké siji piranti kang bisa ngèksekusi para terdakwa kanthi rikat. Guillotine iki nyukupi persaratan iki, mula ing saben désa ing Prancis ing tengah pasar tansah dipasang piranti iki.

Lukisan Dr. Guillotin

Ing tanggal 25 April 1792, Nicolas Jacques Pelletier minangka kurban pisanan guillotine. Sacara total sajeroning Révolusi Prancis puluhan èwu wong dièksekusi migunakaké piranti iki. Ing Paris waé kira-kira 40.000 jiwa diprejaya nganggo guillotine, antarané Raja Louis XVI lan garwané Marie Antoinette.

Guillotine dirancang supaya èksekusi manusiawi lan sabisa-bisané ora krasa lara. Wong kang diukum pati ditata mengkurep lan guluné didèlèh antarané rong balok kayu kang tengahé ana bolongan kanggo tibané lading. Saka panggonan kang dhuwuré 7 mèter, peso landhep ditibakna déning algojo lan sirahé wong kang didakwa tiba ing siji kranjang. Eksekusi mawa guillotine nalika iku dadi tontonan umum, nanging guillotine banjur didèlèh sajeroning pakunjaran amarga dianggep kejem. Kadakwa pungkasan kang diukum pati mawa piranti iki ya iku Hamida Djandoubi. Panjenengané dièksekusi ing Marseille tanggal 10 September 1977.

Pranala njaba[besut | besut sumber]

  • The Guillotine Headquarters Archived 2005-03-24 at the Wayback Machine..
  • The Guillotine Headquarters with a gallery, history, name list, and quiz.
  • L'art de bien couper Archived 2009-11-26 at the Wayback Machine. a French site with a quite complete list of guillotined criminals, pictures, history.
  • Bois de justice History of the guillotine, construction details, with rare photos (English)
  • Video showing the 1939 execution of Eugen Weidmann Archived 2010-09-02 at the Wayback Machine.
  • Fabricius, Jørn. "The Guillotine Headquarters". Diarsip saka sing asli ing 2009-06-04. Dibukak ing 2009-07-28.