Endhog Paskah

Saka Wikipédia Jawa, bauwarna bébas abasa Jawa
Endhog Paskah

Endhog Paskah ingkang dipundum nalika dinten riyaya Paskah sejatosipun boten kalebet tradhisi gréja utawi Kristen.[1] Wonten negari Éropah wonten tradhisi kangge ngrayakaken musim-musim.[1] Dewa musim Semi, ingkang asmanipun "Eostre" punika dewa ingkang dipunsembah nalika perayaan "vernal equinox".[1] Nama dewa punika lajeng dipunanggé nama dinten Paskah inggih punika Easter wonten ing basa Inggris.[1] Musim semi punika ugi dados pratandha taun ingkang enggal ing nagara ingkang nggadhahi sekawan musim punika.[1] Nalika abad-abad ingkang sepindhahan, tradhisi punika boten saged dipunéwahi amargi dinten riyaya paskah punika biyasanipun dipunrayakaken nalika musim semi.[1] Perayaan musim semi punika dipunpéngeti kanthi gumbira amargi ninggalaken musim dingin ingkang beku amargi boten wonten tetuwuhan ingkang tuwuh.[1] Musim dingin dianggep sepi saha mati.[1] Amargi kathah tetanduran ingkang sami tuwuh saha kathah sekar ingkang sami mekar, saha kahanan ingkang gumbira ndadosaken kahanan punika jumbuh kangge maringi hadiyah tumprap kanca saha sedulur.[1] Tradhisi mbagekaken endhog Paskah lajeng dipuntampi kaliyan greja, punika amargi kanggé mengeti musim semi ugi amargi endhog Paskah punika nggambaraken kauripan utawi wiji ingkang mangke bakal tuwuh lan ngrembaka ing kauripan.[1] Endhog Paskah kathah ingkang dihias nganggé werna-werna. Werna abrit punika kanggé simbol rahipun Kristus déné werna ijo punika kangge simbol tunas-tunas énggal ingkang wiwit tuwuh nalika musim semi.[2]

Cathetan suku[besut | besut sumber]

  1. ^ a b c d e f g h i j (id)paskah.sabda.org(dipunundhuh tanggal 16 September 2011)
  2. ^ (id)sejarah.kompasiana.com(dipunundhuh tanggal 16 September 2011)


Sumber artikel punika saking kaca situs web: "https://jv.wikipedia.org/w/index.php?title=Endhog_Paskah&oldid=985333"