Wulung

Saka Wikipédia Jawa, bauwarna mardika basa Jawa
(Kaelih saka Elang)
Wulung
Klasifikasi ngèlmiah
Karajan: Animalia
Filum: Chordata
Klas: Aves
Ordho: Accipitriformes
Famili: Accipitridae
Genera

Pirsani teks

Wulung, helang, utawa garudha (basa Inggris: eagle) punika salah satunggaling kéwan ingkang wonten ing Indonésia.

Ciri-ciri[besut | besut sumber]

Wulung punika mlebet kéwan getih panas, gadhah sewiwi lan awak ingkang katutup déning wulu pelepah. Amargi lumebet ing golongan peksi, wulung tangkar-tumangkar kanthi cara nigan. Tigannipun kabungkus déning cangkok ingkang atos. Tigan-tigan punika dipunsimpen ing lebet susuh ingkang dipundamel déning wulung piyambak. Salajengipun tigan-tigan punika dipunengkremi ngantos netes. Wulung njagi anakipun ngantos saged mabur.

Wulung punika kéwan pamangsa. Panganan utami wulung inggih punika kéwan mamalia alit kados tikus, bajing, lan pitik. Wonten sapérangan wulung ingkang nangkep iwak lan dipundadosaken panganan utami. Cucuk wulung boten wonten wajanipun nanging gadhah wangun béngkong lan kiyat sanget kanggé ngoyak daging mangsa. Peksi punika ugi ndarbèni satunggal pasang suku ingkang kiyat/kukuh lan kuku ingkang landhep kanggé nyengkerem mangsa. Wulung ugi ndarbèni daya pandelengan ingkang permana kanggé mburu mangsa saking let ingkang tebih.

Wulung ndarbèni sistem ambegan ingkang saé lan saged kanggé nyimpen oksigèn ingkang kathah. Oksigèn punika dipunperloaken wanci mabur. Jantung peksi wulung wonten sekawan bilik kados manungsa. Bilik nginggil dipuntepangi kanthi sebutan atrium lan bilik ngandhap dinpuntepangi kanthi sebutan ventrikel.

Jinis-jinis wulung[besut | besut sumber]

  1. Wulung ireng
  2. Wulung abrit
  3. Wulung jawa
Wikipedia
Wikipedia
Artikel punika, artikel dhasar ingkang kedah dipundarbèni sadaya basa.