Dina Bastille

Saka Wikipédia Jawa, bauwarna mardika basa Jawa
Kembang Api ing Menara Eiffel nalika mèngeti dina Bastille

Dina Bastille ya iku salah sawijining dina nasional ing nagara Prancis sing dipèngeti saben tanggal 14 Juli. Dina Bastille, ing Prancis sinebut La Fête Nationale (Pahargyan Nasional) utawa Le quatorze juillet (Empat Belas Juli) anengendi para wargané cuti bebarengan. Ing dina iki para warga Prancis bebarengan nyengkuyung dina kang adiluhung iki. Saliyané para warga, pamaréntah Prancis uga ora baèn-baèn anggoné ngetokaké wragad saperlu ngramékaké acara Dina Bastille. Dina Bastille iku sajatiné dina kanggo mèngeti pangluruhan kunjara Bastille kang kadadéan ing taun 1789 utawa prastawa Fête de la Fédération.[1] Pèngetan taun sapisan panyerbuan kunjara Bastille iki dianggep dadi sawijiné lambang kebangkitan bangsa Prancis Modern lan rekonsiliasi Prancis miturut konstitusi Monarki sadurungé kasoran déning Replubik Pertama ing Revolusi Prancis.[1]

Sajarah[besut | besut sumber]

The Bastille ya iku salah sawijiné bètèng ing abad pertengahan lan kunjara ing Paris.[2] Akèh wong ing Prancis kang nduwé gegayutan karo wewaler kang abot saka sistem Monarki Bourbon ing pungkasan taun 1700-an.[2] Ing tanggal 14 Juli 1789, wadya padha nyerang Bastille.[2] Iki prastawa wigati ing wiwitané Revolusi Prancis Fête de la Fédération kang dianakaké tanggal 14 Juli 1790 kang dadi cara kanggo mèngeti kawentuké monarki konstitusional ing Prancis.[2] Pahargyan resmi dianakaké ing Paris tanggal 30 Juni 1878 kanggo ngurmati Republik Prancis.[2] Ing tanggal 14 Juli 1879, pahargyan luwih resmi ditahan. Iki kalebu review militèr ing sacedhaké Paris Longchamp lan pahargyan ing saindhenging nagari.[2] Salah sawijiné pawongan kang jenengé Benjamin Raspail ngusulaké supaya 14 Juli dadi dina prèi ing Prancis nalika taun 1880.[2] Hukum diundhangaké ing tanggal 6 Juli 1880 kang ngukuhaké Dina Bastille tanggal 14 Juli dadi dina prèi.[2]

Acara[besut | besut sumber]

Akèh wong kang padha nyengkuyung Dina Bastille kanthi menéka warna acara, kaya ta parade militèr lan sipil, pagelaran musik, komunal panganan, jogèd-jogèd, Balls, lan nyumet kembang api kang spektakuler.[2] Ana parade militèr gedhé ing Paris ing wayah ésuk tanggal 14 Juli. Layanan lanang lan wadon saka manéka unit, kalebu taruna saka sekolah militèr Angkatan Laut Prancis, lan Legiun Asing Prancis mèlu acara pahargyan iki.[2] Pawai dipungkasi kanthipasukan Pemadam Kebakaran Prancis.[2] Déné pesawat militèr nabur ing dhuwur rute parade.[2] Présidhèn Prancis mbuka parade lan ngemataké prajurit uga éwonan wong kang nonton.[2] Wong-wong liya ngentèkaké dina tenang kanthi kumbul bujana utawa piknik karo kulawarga lan kanca-kanca.[2]

Uga delengen[besut | besut sumber]

Cathetan suku[besut | besut sumber]

  1. a b Perayaan Hari Bastille(diundhuh 5 Januari 2013)
  2. a b c d e f g h i j k l m n Bastille Day(diundhuh 13 Januari 2013)

Pranala njaba[besut | besut sumber]