Dhaur Biogéokimia

Saka Wikipédia Jawa, bauwarna mardika basa Jawa
Tuladha saka Dhaur Biogéokimia ya iku dhaur banyu.

Dhaur Biogéokimia iku papindhahan unsur kimia ing ékosistem lumantar dhaur ulang kang nglibataké komponèn biotik lan komponèn abiotik.[1] Matèri kimia kang rupané unsur-unsur panyusun bahan organik ing ékosistem pindhah ing trofik-trofik ranté panganan lan ora ngalami pangurangan, nanging pindhah ing papan awalé.[1] Unsur-unsur mau lumebu ing komponèn biotik lumantar udara, lemah utawa banyu.[1] Perkara mau nuduhaké anané gegandhèngan antarané komponèn biotik lan komponèn abiotik ing ékosistem.[1] Unsur-unsur kaya karbon, nitrogen, fosfor, welirang, hidrogen, lan oksigèn iku kalebu unsur kang wigati kanggo kauripan.[2]. Unsur-unsur mau dibutuhaké déning makluk urip ing cacah kang akèh lan unsur-unsur liyané ing cacah kang sethithik.[2] Unsur-unsur mau dimupangataké déning makluk urip terus, unsur-unsur mau mau tetep ana.[2] Iku disebabaké unsur kang dianggo déning organisme kanggo nyusun senyawa organik ing awaké organisme.[2] Sawektu organisme-organisme mati, unsur-unsur kang nyusun senyawa organik mau dibalèkaké manèh ing alam déning organisme pengurai mara lemah utawa mara udara.[2] Dadi, ing prosès biogéokimia iku nglibataké makluk urip, lemah, lan réaksi kimia.[2]

Dhaur biogéokimia iku nyakup: dhaur banyu, dhaur sulfur, dhaur fosfor, dhaur nitrogèn, dhaur karbon, lan dhaur oksigèn.[1]

Cathetan sikil[besut | besut sumber]

  1. a b c d e (Anshori, Moch. , Martono, D.(2009)."Biologi 1 untuk Sekolah Menengah Atas (SMA) – Madrasah Aliah(MA) Kelas X (BSE)".Jakarta:Pusat Perbukuan, Depdiknas. Hal.216)
  2. a b c d e f (Suwarno(2009)."Panduan Pembelajaran Biologi X SMA & MA) (BSE)".Jakarta:Pusat Perbukuan, Depdiknas. Hal.189)