Daeboreum

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Tradisi Daeboreum

Daeboreum utawi Jeongwol Daeboreum inggih punika karaméan wulan purnama kapisan bibat taun énggal kalender lunar[1]. Sami kaliyan Festival Lampion, karaméan punika wonten ing dinten kaping 15 wulan kapisan kalender Tionghoa. Wonten ing Basa Koréa, jeongwol ateges "wulan kapisan", dae ateges "ageng", déné boreum ateges "wulan purnama". Perayaan punika kanthi ancas kanggé nyingkiri nasib ala lan arwah ingkang ala ugi. Dhaharan ingkang dipundhahar nalika karaméan Daeboreum kanthi ancas supados tiyang punika tansah begja lan waras sedawaning taun. Ing Jeju, Daeboreum dipunrayakaken kanthi ageng awujud Festival Geni Jeongwol Daeboreum[2].

Tetedhan[besut | besut sumber]

Tetedhan énjing ing dinten Daeboreum punika ogokbap wujud sekul saking 5 jinis palawija (beras, millet, sorgum, kacang, lan kacang azuki). Ogokbap ugi dipunbagekaken dhateng tangga amargi manawi dipundhahar sareng kaliyan tigang kulawarga sanèsipun saged mbeta kabegjan sedawaning taun.[3] Bibar sarapan, ogokbap kaliyan janganan dipunparingaken dhateng kéwan ternak. Manawi kéwan ternak mau milih mangan ogokbab, lajeng ternak mau ing taun punika dipunramal tansah lemu-lemu, sewalikpun bilih malah milih janganan rumiyin lajeng sapi mau dipunkuwatosaken dadus kuru.[3] Dhaharan istimewa sanèsipun kanggé Daeboreum punika yaksik ingkang dipundamel saking ketan, kastanya, madu, kacang pinus, saus, lan lenga wijen.

Tradisi[besut | besut sumber]

Bibar sarapan mawi ogokbap, tiyang ngawontenaken tradisi bureom, inggih punika mecah kulit manéka jinis kacang kados kacang kulit, kastanya, lan kacang pinus. Tradisi mangan kacang mawi kulit ingkang atos punika kanggé nyingkiri samubarang lelara kulit (buseureum), damel waja kuat lan waras sedawaning taun. Memedi lan arwah ala ajrih kaliyan swantun seru kacang ingkang pecah mau.[4] Kegiatan ing alam tinarbuka wujud minggah gunung kanggé mirsani wulan purnama ingkang dipunsebat dalmaji. Tiyang kapisan ingkang mirsani wulan purnama dipunpitadosi begja setaun. Ing padésan, laré-laré ngawontenaken dolanan ingkang dipunsebat jwibulnori. Serpihan kayu garing dipunlebetaken ing kaleng alit lan dipunparingi kawat dawa. Lajeng nyumet geni lan kaleng dipunubengaken déning ingkang mbeta. Geni ing sarwi dhawah ngobong sabin lan wana dipunpitadosi saged nggusah tikus lan ama tuwuhan.

Gladri[besut | besut sumber]

Cathetan suku[besut | besut sumber]

  1. Wonsobyeong, (dipunakses tanggal 24 Fèbruari 2013)
  2. Wisata Korea, Festival Api Jeongwol Daeboreum, (dipunakses tanggal 24 Fèbruari 2013)
  3. a b "Nutty Customs for Daeboreum". Digital Chosunilbo (English edition). 
  4. Ju, Brown; John Brown (2006). China Japan Koréa Culture and Customs. Ju Brown. ISBN 1-4196-4893-4.  Cite nganggo paramèter lawas |coauthors= (pitulung)

Ugi pirsani[besut | besut sumber]

Pranala njawi[besut | besut sumber]