Clara saking Assisi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Santa Clara saking Asisi
Joos van Cleve - Santa Clara.jpg

Lukisan Santa Clara karyanipun Joos van Cleve.
Miyos (1194-07-16)Juli 16, 1194, Assisi, Italia
Tilar donya Agustus 11, 1253(1253-08-11) (umur 59), Assisi, Italia
Dipun urmati ing Gréja Katulik Roma, Gréja Anglikan, Gréja Lutheran
Kanonisasi 26 September 1255, Roma déning Paus Aleksander IV
Papan ziarah utama Basilika Santa Clara, Asisi
Dinten pèngetan 11 Agustus
Atribut Monstran, pyx, lampu
Pangreksa Penyakit mata, tukang emas, binatu, tukang bordir, tukang sepuh, cuaca ingkang saé, tukang jait, Santa Clara Pueblo, telpon, telegraf, tivi
Gloriole.svg Portal Santo

Clara saking Asisi (16 Juli 119411 Agustus 1253) punika satnggiling santa ingkang asalipun saking kitha Asisi lan misuwur amargi naté ngusir wadyabala mengsah ingkang badhé ngancuraken dhaérah kasebat.[1][2] Clara asalipun saking kulawarga bangsawan ing kitha Asisi.[2] Piyambakipun mlajar saking kamiwahan dalemipun nalika tasih remaja dhemi gesang mbektèkaken dhiri dhumateng Gusti salebetipun kamiskinan.[2] Salajengipun piyambakipun dados biarawati lan madegaken Biara Klaris ingkang Papa.[1] Clara lan biarawati sanèsipun kepéngin gesang kadosdéné kaum miskin saéngga para biarawati kasebat gesang ing salebetipun kaprasajan.[2] Nalika bapanipun tilar donya lan marisaken bandhanipun, Clara maringaken sadaya dhumateng kaum miskin.[1]

Ing satunggaling dinten, sapasukan mengsah nyerang kitha papan biaranipun wonten.[1] Para wadyabala mengsah ngupados nyerang biara ugi.[1] Clara salajengipun mundhut monstrans (piranti kanggé ngetingalaken Sakramèn Mahasuci salebetipun sakramèn) lan ngangkat monstrans kasebat.[1][2] Sauntawis punika, piyambakipun lan para biarawati sanès ngunjukaken sembayangan.[1] Nalika para wadyabala mengsah mirsani para biarawati punika, dumadakan wadyabala mengsah mundur saéngga biara saged slamet.[1][2]

Réferènsi[sunting | besut sumber]

  1. ^ a b c d e f g h (id)Bernadette McCarver Snyder. 2001. 115 Kisah Santo-Santa yang Mengasyikkan. Yogyakarta: Kanisius. Hal. 84.
  2. ^ a b c d e f A. Heuken. 1985. Ensiklopedi Orang Kudus. Jakarta: Yayasan Cipta Loka Caraka. Hal. 180-182.