Bulus Ijem

Saka Wikipédia, bauwarna bébas basa Jawa
Bulus ijem utawi Chelonia mydas
Chelonia mydas.
Status konsèrvasi
Klasifikasi èlmiah
Krajan: Animalia
Filum: Chordata
Kelas: Reptilia
Ordo: Testudines
Kulawarga: Cheloniidae
Marga: Chelonia
Latreille dalam Sonnini

& Latreille, 1802

Jinis: Chelonia mydas
Jeneng binomial
Chelonia mydas
(Linnaeus, 1758)

Chelonia mydas, utawi Bulus Ijem (ngoko: Bulus Ijo) inggih punika penyu seganten ingkang ukuranipun ageng lan kalebet kulawarga Cheloniidae.[1] Kéwan punika inggih punika spesies mung-mungan saking golongan Chelonia.[1] Kéwan punika gesang ing seganten tropis lan subtropis, utaminipun ing Samodra Atlantik lan Samodra Pasifik.[1] Namanipun kéwan punika dipunpendhet saking lemak awarni ijem ingkang wonten ing sangandhapipun cangkang bulus punika.[1]

Bulus ijem inggih punika jinis bulus ingkang gesang ing seganten lan kalebet kéwan poikiloterm.[2] Populasi bulus ijem kathah dipunpanggihi ing wewengkon ingkang kathah sumber pakan lan wontenipun sarang ingkang jumbuh.[2] 134

Nalika bulus Ijem badhé nigan ing pinggir seganten lan damel sarang saged dipunpengaruhi déning pinten-pinten faktor, inggih punika faktor pasisir ingkang landai lan kakiyatan gelombang ingkang saged mbiyantu bulus dhateng dharatan, sanèsipun punika wontenipun alangan kados watu utawi tebing lan alangan sanèsipun saged mempengaruhi dhatengipun bulus punika ing pasisir.[2]

Ing Indonésia aktivitas bulus ijem ingkang badhé nigan saged dipunpanggihi ing Pulo Jemur, ingkang limrahipun dipunwiwiti ing wulan April, lan paling kathah ing wulan Mei lan Juni.[2] Bulus ijem nggadhahi wekdal nigan ingkang temporal, kathahipun ing wulan Juni lan Juli, lan wiwit kirang anggenipun nigan ing wulan Agustus, lan pungkasanipun ing wulan September.[2]

Cathetan Suku[besut | besut sumber]

Pranala Njawi[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Bulus_Ijem&oldid=1060690"