Bintang Jalasena

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Bintang Jalasena

Bintang Jalasena (basa Sansekerta: jala ateges toya, laut; sena ateges panguaos) inggih punika salah satunggaling wujud bintang tandha kaurmatan ingkang dipunwedalaken lan dipunparingaken déning Tentara Nasional Indonésia Angkatan Laut Républik Indonésia kanggé anggota korpsipun ing babagan militèr ingkang sampun ngetingalaken kaprigelanipun, kawicaksananipun, lan ugi jasa-jasa ingkang sanget luar biyasa ingkang sampun nglangkungi tugas kuwajibanipun tanpa ngrugèkaken tugasipun ingkang baku.[1]

Bintang Jalasena inggih punika minangka bintang TNI Angkatan Laut ingkang kapérang saking tigang kelas, inggih punika:[2]

  1. Bintang Jalasena Utama
  2. Bintang Jalasena Pratama
  3. Bintang Jalasena Nararya

Wujudipun Bintang[besut | besut sumber]

Bintang Jalaséna dipundamel saking logam, ingkang wujudipun kados ingkang sampun dipunlukis ing gambar inggih punika satunggaling bintang kanthi sudhut 8 kanthi garis tengah 45 mm. Ing sisih ngajengipun bintang mau wonten satunggaling perisai angkatan lalut, rerangkening titik-titik rante ingkang ngubungaken aksara JALESVEVA JAYAMAHE ingkang ambanipun 2 mm ingkang ngubengi lambang angkatan laut. Bintang Jalasena mau dipungantungaken wonten ing satunggaling pengait inggih punika lukisan 5 iji kembang mlathi ingkang ronipun cacahipun 10 minangka pangiketing bintang wonten ing pita kalung lan pita gantung. Bintang Jalasena Utama wernanipun emas lan dipunsukani satunggaling Patra ingkang wujud lan wernanipun sami, kanthi ukuran ingkang langkung ageng inggih punika kanthi garis tengah 55 mm. Bintang Jalasena Pratama wernanipun pérak , déné perisai lambangipun angkatan laut wernanipun emas. Bintang Jalasena Nararya sedayanipun warna pérak. Lan ing sisih wingkingipun bintang dipungambaraken seratan Republik Indonesia. Pita kalung saking Bintang Jalasena Utama gadhah corak kados ingkang sampun dipungambaraken wonten ing gambar, kanthi amba 35 mm lan wernanipun biru laut, gadhah lajur 6 werninipun abrit lan 5 lajur wernanipun pethak, saben lajur punika ukuranipun 2 mm lan kalih lajur ing siring tengen lan kering wernanipun biru laut saben akung ukuranipun 6,5 mm. Pita gantung saking Bintang Jalasena Pratama gadhah corak kados ingkang sampun dipungambaraken wonten ing gambar, kanthi amba 35 mm dawanipun 55 mm kanthi werni dhasaripun biru laut ingkang gadhha 11 lajur ingkang kapérang saking 2 lajur mapan wonten ing sisih pinggir saben lajur kanthi ukuran 6,25 mm, wernanipun biru laut, 5 lajur wernanipun abrit lan 4 lajur malih wernanipun pethak ingkang saben lajur ukuranipun 2,5 mm.

Pita gantung saking Bintang Jalasena Nararya gadhah corak kados ingkang sampun dipungambaraken wonten ing gambar, kanthi amba 35 mm gadhah lajur 9 ingkang kapérang saking 2 lajur wernanipun biru laut ingkang mapan wonten ing kekalih pinggiripun kanthi saben lajur punika ukuranipun 7 mm lan ing tengah-tengahipun wonten 4 lajur werninipun abrit lan 3 lajur malih wernanipun pethak, saben lajur ukuranipun 3 mm.

Pita harian saking bintang Jalasena wernanipun sami kaliyan pita mau ing nginggil kanthi ukuran dawanipun 35 mm lan ambanipun 10 mm.

Cathetan suku[besut | besut sumber]

  1. Bintang Kartia Eka Paksi
  2. BINTANG JALASENA(dipunundhuh tanggal 8 Maret 2013)