Bètèng Vastenburg

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Bèntèng Vastenburg ing taun 1910

Bèntèng Vastenburg punika bètèng tilaranipun Walanda ingkang mapan wonten ing wewengkon Gladhak, Surakarta, Jawa Tengah [1]. Kutha Surakarta punika kawéntar kanthi kutha ingkang taksih kenthel kaliyan tilaran sajarah, salah satunggalipun bètèng, mliginipun Bèntèng Vastenburg punika. saking Bèntèng Vastenburg punika saged mangertos salah satunggaling petikan sajarah ing jaman rumiyin. Vastenburg punika bètèng tilaran Walanda. Nama Vastenburg piyambak ateges Astana ingkang dipunkelilingi témbok ingkang kuwat. Wangunan punika dipunmadegaken déning Gubernur Jenderal Baron Van Imholf ing taun 1775-1779 utawi 32 taun sasampunipun madegipun Surakarta [2].

Bèntèng ingkang mapan wonten ing kawasan Gladak punika kala rumiyin dados bètèng pertahanan ingkang gegayutan kaliyan posisi Kraton Kasunanan lan dalemipun Gubernur Walanda (kantor Balaikota). Wujuding bètèng punika kados bujur sangkar ingkang ujung-ujungipun wonten tonjolan ruang ingkang sami kanggé teknik perang ingkang dipunwastani seleka (bastion). Ing sekelilingipun témbok ugi wonten parit ingkang ginanipun kanggé pertahanan kanthi kreteg ing lawang ngajeng lan wingking[2].

Kajawi punika yasan ing bètèng kapérang dados pérangan barak ingkang kapisah. Punika trep kaliyan ginanipun saben barak ing militèr lan pas ing tengahipun wonten lahan kabikak kanggé nyiapaken wadyabala utawi apel gendéra. Bèntèng Vastenburg, sasampunipun kamardikan naté dipun-ginakaken dados markas batalyon TNI kanggé mempertahankan kamardikan. Kala rumiyin masa 1970-1980-an yasan punika asring kaginakaken minangka papan kanggé pelatihan keprajuritan lan pusat Komando cadangan Strategis Angkatan Darat kanggé wewengkon karesidenan Surakarta lan sekitaripun[2].

Aji Sajarah[besut | besut sumber]

Bèntèng Vastenburg punika gadhah peran ingkang wigati ing periode XVIII-XIX. Kutha Sala punika pusat dagang lan dipuntandhani pangembangan kutha kolonial. Wonten ing konteks éra kolonial, artefak sanès ingkang gegayutan kaliyan wontenipun Bèntèng Vastenburg punika ing antawisipun Gréja St Antonius, tilas gedung Javasche bank, kantor pos, griya residen, dalan raya poros lurus Sala-Semarang, pemukiman Éropah, lan Societet Harmoni [3].

Sekitar taun 1750-an, punika dados papan para wadyabala Walanda kanggé ngawasi Kraton Kasunanan Surakarta wiwit saking pamaréntahan Paku Buwono III. Tipologi kutha kolonial punika idèntik kaliyan wontenipun bètèng. Walanda ngrias kutha saking éra Karajan Kartasura. Kala punika urusan ing wewengkon kuasaning raja pribumi tumut dados kawigatosanipun Walanda. Tuladhanipun keamanan, niaga, pemukiman, tata kutha, lan kebijakan (stelsel)[3].

Cathetan suku[besut | besut sumber]

  1. [1], (id) Benteng Vastenburg (dipun-akses tanggal 27 Dhésèmber 2012).
  2. a b c [2], (id) Cuplikan sajarah Indonésia di Benteng Vastenburg (dipun-akses tanggal 27 Dhésèmber 2012).
  3. a b [3], (id) Benteng Vastenburg (dipun-akses tanggal 27 Dhésèmber 2012).