Bèntèng Willem II ing Ungaran

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Benteng Willem II Ungaran
Beteng oenarang.jpg
Bèntèng Willem II ing Ungaran kapernah ing Jawa
Bèntèng Willem II ing Ungaran
Pernahé ing Jawa
Tetélan pokok
Cakrik yasanBenteng
KuthaUngaran Kabupatèn Semarang
NagaraIndonésia
Diyasa kawit1786

Bèntèng Willem II Ungaran (Fort Willem II) ya iku salah sawijiné situs wisata sajarah sing dumunung ing Kacamatan Ungaran, Kabupatèn Semarang.[1] Bèntèng iki digawé déning bangsa Walanda ing taun 1786 nalika isih njajah bangsa Indonésia.[1] Benteng Willem II Ungaran iki nduwé jarak watara 35 km saka kutha Ambarawa.[2] Benteng kang uga kawentar mawa jeneng Benteng Ungaran utawa Benteng Diponegoro iki mapan ing pinggir dalan Semarang-Sala, ya iku ing ngarepé kantor DPRD Kota Ungaran. Bènteng iki duwé peran ing sujarah Indonésia amarga ing bètèng iki Pangéran Dipanegara dikunjara sinambi nunggu diasingaké menyang Makassar.

Sajarah[besut | besut sumber]

Benteng Willem II diyasa déning pamaréntah Walanda.[3] Ing taun 1755-1797, Karajan Mataram dipérang dadi sawatara pérangan.[3] Benteng-bètèng sing ukurané cilik-cilik diyasa ing laladan antarané Semarang-Sala.[3] Nalika iku Fort Outmoeting diyasa ing Ungaran kanggo mèngeti prastawa sujarah ya iku ketemunè Pakubuwono II karo Gubernur Jendral Van Imhoff tanggal 11 Mèi 1746.[3] Ing taun 1849, tanpa ana paprangan bètèng iku kapasrahaké Inggris.[3] Banjur bètèng iku didadèkaké omah kanggo ngaso lan nambani wong lara.[3] Nalika iku uga, diangkat sawijiné perwira kaséhatan kanggo mandhegani misi kamanungsan amarga gedhong iku pancèn dudu Rumah Sakit, saéngga wujud lan struktur gedhongé ora kaya Rumah Sakit lumrahé.[3]

Ing taun 2009, Paguyuban Peduli Cagar Budaya Ratu Shima tau ngusulaké supaya sujarahé Benteng Willem II Ungaran ditliti manèh.[4] Dhèwèké uga ngusulaké supaya jeneng bètèng dadi Benteng Oenarang kaya kang ana ing naskah kolonial. Yèn nggunakaké jeneng Willem II Ungaran bisa ditegesi yèn umur bètèng iku luwih enom tinimbang Benteng Willem I Ambarawa.[4] Miturut dhèwèké, bètèng Oenarang iku diyasa taun 1712 lan wis didandani nganti bola-bali.[4] Mula umur bètèng Oenarang luwih tuwa tinimbang Benteng Willem II Ambarawa kang diprakirakaké diyasa ing taun 1800-an.[4]

Kaanan saiki[besut | besut sumber]

Benteng Ungaran tau didadèkaké omah kanggo kulawarga kang cacahé 16. Nanging, pamaréntah Kabupatèn Semarang wis mutusaké déné yasan bakal dibalèkaké dadi musiyum lokal ing taun 2007. Kulawarga kang manggon ing kono diwènèhi ganti rugi 20 yuta rupiah. Sawijining panalitiyan dianakaké kanggo mbalèkaké banteng dadi musiyum mawa jeneng William II amarga ngèlingi kaanan bètèng ing abad kang kaping 19.

Benteng wis didandani ing wulan Juni taun 2007, nanging ora ana piranti musiyum kang mèlu didandadi amarga ana masalah babagan hak milik. Pulisi wis nggunakaké bètèng nganti taun-taunan kanggo omah staff lan ndhaku yèn bètèng iku duwèké pulisi. Ing taun 2008, pamaréntah Kabupatn Semarang nyedhiakaké dana Rp 1,53 miliar kanggo ndandadi bètèng iki nalika masalah iki kadadéan. Wis dikukuhaké pancèn Polri kang nduwé hak milik yasan iki. Mula, Polri njaluk ganti rugi. Sawatara, yasan bètèng kang wis kosong durung apik amarga durung didandani.

Taun 20011, Benteng Willem II Ungaran didandai sawisé kosong telung taun wiwit taun 2007. Prosès revitalisasi iki ditindakaké déning jajaran Polda Jateng.[5] Benteng iki bisa kanggo musiyum lelampahan Polda Jateng, punjer panalitiyan sujarah, lan uga bisa dadi pabukon.[5] Yasan bètèng uga bakal dijangkepi karo ruwang Pegelaran Budaya, Ruang Rapat, Lan uga didadèkaké Balai Pertemuan Pulisi dan Masarakat.[5]

Ing taun 2012, Benteng Willem II Ungaran didandadi manèh mawa dana saka Mabes Polri. Mabes Polri nganggaraké dana nganti 770 yuta rupiah.[6] Sawisé didandani Benteng Willem II Ungaran bakal dibuka kanggo bebrayan umum.[6] Mabes Polri ngajak masarakat kanggo njaga yasan kanthi ora ngrusak lan nregeti ruangan kang ana ing bètèng.[6] Yasan bètèng bisa kanggo kagiyatan antarané pulisi lan masarakat.[6]

Uga delengen[besut | besut sumber]

Pranala njaba[besut | besut sumber]

Cathetan suku[besut | besut sumber]

  1. a b Benteng Willem II(diundhuh 4 Oktober 2012)
  2. Benteng Willem II Ungaran (2)(diundhuh 21 Fèbruari 2013)
  3. a b c d e f g Sejarah Benteng Willem II(diundhuh 6 Oktober 2012)
  4. a b c d Telusuri kembali sejarah Benteng Willem II Ungaran(diundhuh 21 Fèbruari 2013)
  5. a b c Polda lakukan revitalisasi Benteng Willem II(diundhuh 21 Fèbruari 2013)
  6. a b c d Kapolda; Dana Revitalisasi Benteng Willem II dari Mabes Polri(diundhuh 21 Fèbruari 2013)